عمري 22 ولكني اشعر اني في الخمسينات

السلام عليكم انا عمري 22 ولكن بحس انه عمري بالخمسينات من هموم قلبي انا ولدت في بيت بحتوي على الانانية من طرف والدي وطرف والدتي وابدا ما كان فيه اي راحه ودايما مشاكل بسبب اخواني وطبعا فرق العمر مشكله كبيره في حياتي يعني تقريبا بيني وبين والدي والدتي اكتر من 45 سنه الفرق وايضا في فرق كبير بيني وبين اصغر اخت 22 سنه واصغر اخ 8 سنين يعني انا ما بفهمهم ولا هما وطبعا دايما في مشاكل مع خواتي والعلم هنا متزوجات وبس وحده مو متزوجه وحتى هاي اختي انا بفكر فيها وهي بس بتفكر كيف دمرني وانا بحاول اوقف معها بكل شي والله وهي لا للاسف وبعد وفاة والدي اخواني كل واحد مستقر في حياته وخواتي المتزوجات بس بنكدوا علينا واي شي كويس في حياتهم ما بحكوا النا وانا هاد الشي بطلت اهتم فيه ابدا ولكن انا اتغيرت كتير للأسف للسوء كنت مجتهده كتير لانه بحب اعتمد على حالي وما في امل انه حدا من اهلي يحن علي في يوم من الايام حتى هما بعرفوا بهاد الشي بس انا من جوات قلبي بتمنى انه والدي مو اناني وكان بس عايش لنفسه وياريت امي بتفهمنا او لو حتى هلا بهاد الوقت اقسم بالله كل ما احاول اقرب منها واضل قاعده عندها بصيبني حزن كبييييير لانه انا لو احكيلها اي شي بتحسسني بالهم والحزن من اصغر المواضيع وهي كل شي عندها مجرد كلام وليس مشكله يعني كله عندها كلام في كلام بس طيب والحياة ابدا مو سهله وانا بعرف هاد الشي لانه ما عندي حدا اسند عليه من البشر ابدا ولازم اجتهد واحقق نفسي واثبت نفسي واكون قد الحياة مو بس من باب الامل والعاطفه بس بفكر من باب العقل وما بدي الجئ للحرام باي طريقه لا سمح الله انا في بداية عمري ونفسي اعيش حياة كريمه والحمد لله ملتزمه بصلاتي وما عندي اي علاقة باي شب ولله الحمد وبحاول اتغير بس مو عارفه نفسي ارجع اكمل بالطريق الي رسمته من سنين وفعلا حققت كتير منه وحتى اهلي كانوا معارضين دراستي من ناحية الاختلاط بس انا كنت واثقه من رب العالمين وواثقه من نفسي والحمد لله اثبتت انه الي بده طريق الغلط بعمله لو كان قاعد في البيت ومع هيك اهلي لو اشعللهم ادي بالنار ولا كاني عامله شي ابدا والله موجوع قلبي نفسي ابعد عن افكار امي واختي وبعد وفاة والدي انا حسيت انه انا متعلق بامي وهاد الشي بوجع قلبي اكتر مو قادرة اتحمل كلامها وافكارها ولا قادر ابعد واشتغل في حياتي والله تعبت كتيييييير وشكرا كتير لكم .