الغربة جعلتني مدمن

لا تلوم الغربة ولكن لم نفسك. الغربة احيانا تزيدنا قوة. الغربة تجعلك اكثر حكمة وتعيد النظر في حياتك وانجازاتك. الغربة تنير لك الدرب في أمور داخل نفسك قد تكون غفلت عنها بين اهلك وحبايبك وتجعلك تولد من جديد على أشياء جديدة. عالج إدمانه وقاومه ولا تلقي اللوم على احد. وابحث داخل نفسك عن الايجابيات

انا كنت مدمن وبشكل دائم على الكحول احسن طريقة لتتخلص من الادمان هي اللي عملها فيي عمي اخو ابوي.. ربطني بالسرير ما بنفك عنه الا لاسباب خاصة جداً وتحت رقابة.. في اقل من 9 ايام كنت متخلص من الادمان لكن الموضوع مو بهين هو صعب شوي وخصوصا في الايام الاولى

صديقي صار معه هيك تجربة مؤسفة، والموضوع ما اقتصر على المشروب، امتد للبنات والقمار .. وبالنهاية خسر كم قرش كان محوشهم وضاعت سنوات عمره على الفاضي، يعني "طلع من المولد بلا حمص" .. نصيحتي ارجع على بلدك هي أولى فيك .. على القليلة أهلك وصحابك حواليك وبتقضي معهم وقت مفيد بدل ما تقضيه في البارات والشرب والمنكر.

بلش من هلأ دور على شغل في بلدك .. ماشي رواتب اقل، وامتيازات اقل .. بس "اللي فيها بكفيها"

واضح أنه عندك رفقاء سوء، الله يهديكم جميعا، نصيحة ابعد عنهم .. ارحل من سكنك ولا تخالطهم، اذهب الى المسجد لعل الله يهديك .. ولكن عليك ان تنوي التغيير والتوبة والتخلص من هذه العادات السيئة، الله يوقف معك ويخلصك من الهم .. لانه واضح أنك مش راضي عن تصرفاتك، وبالنهاية انت رح تخسر صحتك

طبعا الغربة، بتعمل أكثر من هيك .. هي الغربة شو فيها غير الشرب والبنات والمحرمات، الله يهديك .. يعني ما اشتغلت في بلدك طالع متأمل بره؟ ارجع لربك لانه الموضوع بايدك انت .. ما حدا بقدر يوقف هالشرب اللي عندك الا انت، خاف على صحتك يا زلمة

انت رحت بلد خليجي وصرت مدمن كحول باكر تروح اوروبا تصير مدمن شو بعد؟ كفاية تحطون اللوم على اسباب ما الها علاقة بالمشكلة.. مشكلتك انك انت تريد تدمن على الكحول مو انت وين ولا منين؟