ابنتي سمينه وتهدد بقتل اخوتها

السلام عليكم ورحمة الله لو سمحتي انشري بدون اسم انا ام لبتين وشب مشكلتي في بنتي الكبيرة عمرها ٣٠ سنة مشكلتها بدات منذ الصغر انها سمينة مع انو حاولنا بكل الوسائل حاولنانساعدها لحل مشكلة السمنة من المتابعة عند طبيبة تغذية الى عملية قص المعدة وللاسف كل هذة المحاولات بائت بالفشل لعدم تعاونها معنا وكمان انهت دراستها الجامعية بتفوق ولم توفق بوظيفها مع انو اجاها فرص عمل بس كانت تترك بسب تعليق الموظفين عليها بسب السمنة المهم انو اخوها اتزوج من فترة واختها الصغيرة اتخرجت واشتغلت على طول ومن هون اصبحت حياتنا جحيم بسب غيرتهاالقاتلة(مع العلم كنت احس بغيرتهامن الصغروحاولنا احتواءها انا وابوها واخواتها كمان) واصبحت تهدد بانها راح تنتقم من اخوها واخوتها وتهدد بقتلهم او تسميهم ومن هدا الحكي واي مشكلة بتسير معها بتصير بدها تضرب اختها وتحملها المسؤولية مع انو احنا العيلة الصغيرة والعيلة الكبير ة محتوينها مع انو اصبحت تتطاول على الكبير والصغير بالشتم وغيره حاولنا معها انها تراجع طبيب امراض نفسية لكنها رفضت والسبب انها كانت تراجع طبيب امراض نفسية بدون علمنا وبتحكي انو ما استفادت منه وانو ما كان هامه غير الكشفية المهم انا حاسة انو انا والعيلة مش عارفين نتعامل معها وخايفة انها لا سمح الله تئذي حالهااو اخوها واختها اتمنى مساعدتكم واشكر لكم حسن تعاونكم