أشعر أني عمري ستون عام

ما معنى احساس انى عايزة اتسحب من الحياه.نفسى اقف كدة واقول كفاااااااية تعبت مش قادرة , الدنيا دى صعبة أوى طبعا انا عارفة انكم افتكرتوه ان عندى ٦٠سنة ....انا واحدة عندى ٢٤سنة ، كل الناس بتقولى انى طيبة جدا ومش هتنفعى فى الشغل مع الناس الصعبة ،المهم انا عايشة حياه غريبة ومش مبسوطة انا حزييينة ،شايفة شر فى كل حتة اتجوزت واحد مشوفتش معاه يوم حلو حياتى معاه كانت جحيم، ضرب ،خيانة ،اهانة ،شتيمة ،تريقة ، بهدلة ، مالضرب، للاسف كنت بحبه بس هو مكنش بيتحمل مسئولية، وكان شايفنى عبارة عن جسم جميل وواحدة ، خدامة فى البيت ، اسراره كلها مع امه و اخته واصحابه الستات، اد حبى ليه كرهته، طلبت الطلاق وتطلقت بعد ضغط اهلى عليه،ده بالنسبة لقصة زواجى، اما بالنسبة لعملى ،انا بشتغل فى وظيفة مكانها مرموق ،بس هذا هو الظاهر فقط محدش عارف حاجة الناس اللى هناك وحشين جدا طبعا مش كلهم بس للاسف اغلبيتهم والاقلية جدا تلاقى ناس محترمة وكويسة وبتقدر اللى بيشتغل. المشكلة انى مش عارفة اتعامل معاهم دماغهم صعبة اوى مش بعرف اوصلها.ناس بتلبسنى فى مشاكل وناس بترمى شغلها عليا، وناس بتنافق وتطلع على حساب بعضها،انا تعبت مش قادرة اشوف المهزلة اللى بتحصل قدامى دى ،مش قادرة استحمل اكتر من كدة، هل هى دى الدنيا وحشة كدة ، ولا ربنا بيختبرنى ولسة هيورينى الجانب الحلو فى الحياه. ساعات بحس انى عايزة اقف كدة واقول للناس كلها بس خلاص شكرا على كدة انا عايزة اتسحب من لعبة الدنيا دى واسيبهالكو كلها تشبعوا بيها.ساعدونى علشان اتخلص من التفكير السلبى ده وشكرا لكم.