الغلط مني أم منهم؟

بضل مثل الطلطميس بعرفش احكي بأي قعدة او جمعه و لو حكيت بخاف الناس تعتبره فلسفة لانه اجتماعياتي صفر و كل الي بفهم فيه القراءة و الكتب و الادباء و العلماء و اشياء متأكدة و واثقة انه فش جارة و لا قريبة مهتمة تسمعهم و بس يسألوني شو في اخبار معنديش اشي اولا عشان امي علمتنا دايما ما ننقل حرف من حدا و خلص انطبعت فيي عادة انه ما دخلني و ما بنقل و اسمع من غيري مش مني و ثانيا لانه كل حياتي هي بيتي و بنتي و جوزي و برضو جوزي منبه علي انه الي بالبيت يضل بالبيت فما في اخبار اقولها من الي بصير في بيتي لذلك دايما بضل طلطميس في اي قعدة و عالاغلب النسوان ما بتطيقني و بتفكرني جاي القط منهن اخبار او ابصر ايش بطلع براسهم و حتى لو انفتح موضوع عام بدون ما احس بلاقي حالي صرت اتمسخر على الوصفات العشبية تبع النسوان و القصص الخرافيه و بحكي الاشي العلمي او المنطقي فبيطلعو فيي بحقد و انه هاي المفزلكة شو جابها لهون و بهالحالة افضل تصرف هو الانسحاب التكتيكي يا ترى انا الي غلط و الا كل السنوات الي بعرفهم غلط