لم أحقق أي شيء من أحلامي

السلام عليكم اسفه اني هفضفض ليكم شويه انا عندي 25سنه اكتشفت اني محققتش اي حلم حلمت بيه وانا صغيره كنت بقول لازم اذاكر عشان حياتي الجايه تبقي احلي لان اهلي كان حالتهم الماديه ضعيفه ذاكرت جدا بكل طاقتي ودخلت كليه هندسه قولت كده خلاص انا خلاص هحقق كل احلامي وانا في اخر سنه حسيت اني بجد احتاجت لحد جنبي اقصد نفسي اتجوز اتقدملي مهندس ملتزم جدا قالي لازم النقاب وكمان مفيش فرح ولا خطوبه وافقت قولت لنفسي يمكن انا كمان اقرب لربنا بس للاسف محصلش وحبيته جدا وحبني خلصت الكليه واتجوزت وعندي بنت ولاقيت نفسي بعيد نفس حياتي قبل الجواز لا عارفه البس ولا البس بنتي زي ما كنت بحلم ومش قادره اطلب من جوزي هيعمل ايه اكتر من كده حاولت ادور علي شغل مش لاقيه خالص ولاقيت نفسي ولا مره في حياتي فرحت حتي فرحي مكنش موجود وغير المشاكل اللي عايشه فيها مع اهله لاني معاهم في نفس البيت بكره بيتي بسببهم مش عارفه اربي بنتي عشان بتنزل تقعد معاهم ولو مرضتش جوزي بيزعل مني انا زهقانه ومخنوقه اوي تخيلوا انا اتجوزت في بيئه اقل من اللي كنت فيها انا زعلانه اوي من نفسي عشان بقيت بحس بالغيره من صحابي لانهم بيعملوا افراح وبيتبسطوا بس والله بضغط علي نفسي عشان مفكرش كده هو ليه دايما القليل بيفضل قليل والكبير بيفضل كبير!