أكلم نفسي وكوّنت صداقات من خيالي

السلام عليكم بنت عمرى 20 و الحمد لله عندى عملى و دراستى بس عندى مشكلة و هيا انى من و انا عمرى 6 سنوات انى بكلم نفسى كتير او لما تصادفنى مشكلة فى المدرسة او مع اى حد من زمايلى او اى مشكلة و بتصرف تصرف معين برجع بفكر فيه و بتمنى لو كنت تصرفت بشكل احسن او احاول اكون اقوى من خصمى و اكلمه فى خيالى يعنى اتخيل انه قدامى و اكلم الهوا !! او اتمنى موقف يحصل واتخيله و اعيش فيه بجد مع اشخاص حقيقين فى حياتى و هوا محصلش منه اى حاجة و كمان كل ما يوحشنى حد اتخيله قدامى و اكلمه و عندى اشخاص فى حياتى ماهمش وجود يعنى خلقتلى اشخاص فى دائرة اسرتى مش موجودين و خلقتلى معاهم ذكريات واحداث بس فعلا دى مشكلتى و بدات امى واختى يلاحظوها عليا و الموضوع بقى محرج جدا وبقى محرج اكتر لما اكتشفت انه مديرى حاطط كاميرا مراقبة بتسجل كل حاجة و غير كده انه بدا ينقلب عليا بشكل عكسى يعنى بدا يسببلى مشاكل فى مرة كنت فى الشركة بتاعتى و بتكلم مع واحدة زميلتى و كان فيه فعلا موقف فى عقلى كانه حصل بالفعل و عشته بالظبط بس مكنش حصل فى الحقيقى و حكيتهولها غصب عنى و حكيته لواحدة تانية و هوا محصلش و بقيت فى نظرهم كذابة انا خايفة جدا و مكسوفة من نفسى اوى و مش عارفة ده ممكن يكون ايه ؟؟ ساعدونى ارجوكم