ضاع عمري ولم أقم بأي انجاز يذكر

السلام عليكم انا مخنوقة جدا وكارهة حياتي بكل تفاصيلها حاسة اني حظي قليل اوي ف الدنيا دي وربنا بيديني أي حاجة بالقطارة كدا (استغفر الله العظيم) كل ما اعمل حاجة متكملش كل ما ابقا عايزة حاجة متحصلش كل ما أحب حد يسيبني وعمري ضاع كله وبقا عندي 36 سنة ومعملتش أي إنجاز ف حياتي حبيت واحد لمدة 3 سنين وف الآخر سابني كنت عايزة اشتغل وظيفة معينة وفضلت أقدم فيها لمدة 4 سنين وصرفت كتير جدا عليها ولما اتقبلت وسافرت وحدة عملتلي مشكلة واترفدت من تاني شهر كنت لحد الوقت دا ملتزمة جدا ف الصلاة والصيام والدعاء وكان عندي كمية أمل وتفاؤل الناس يحسدوني عليها بعد ماضاعت مني وظيفة أحلامي وضاع عمري مبقاش عندي أمل ولا حتى رغبة ف الحياة بقيت لا بصلي ولا بدعي ولا عندي ثقة ف أي حاجة وبقيت بكره نفسي انا مش عارفة اشمعنا انا ال حظي كدا اشمعنا انا حظي قليل ومش باخد ولا أي حاجة انا عيزاها ولا حتى عندي أصحاب ولا بتكلم ولا بخرج م البيت وبناء كتير جدا من كتر الاكتئاب ال انا فيه ادعولي بالله عليكم يمكن حد صالح فيكم تبقا دعوته مستجابة وبتعرض للظلم من ناس كتيرة جدااا وللأسف مبعرفش ااذي حد وعمري ما ربنا اخدلي حقي انا حاسة أن ربنا بيكرهني اوي