مررت بتجربة زواج فاشلة فكيف أعيد ثقتي بنفسي وبالرجال؟

السلام عليكم. انا عمري ٢٠ سنه مشكلتي اني ما بحكي عن مشاعري واذا مثلن حبيت او اعجبت في شخص بخاف يتركني او يجرحني فبختصر وما بحكي وبحبوا بيني وبين حالي خوف من انو بتركني وما يكمل معي انا بنت محترمه وما بحب هاد الطريق المهم في فتره اعجبت في شخص كانت اراقب شخصيته ومرحه كنت كتير هابه ارتبط في هاد الشخص لانه حسيت فريب مني كتير راحت الايام وانا معجبه فيه وهو ما بيعرف المهم في يوم يلتقي مع اخت هاد الشخص وبتحكيلي انو اخوها خطب وبدو يتزوج انا كتير حزنت واتأثرت بس من دون ما حدا يحس لاء وعزمتني على العرس بعد اسبوع ولا اموا لذات الشخص بتزورنا وبتحكي انا معجبه في بنتك وحاب اخطبها لاخوي انو انا كيف صار معي هيك . كنت مصدومه حكيت عادي مو مشكله الله يجيب يلي فيه الخير المهم وهون المشكله (اجى الشب لرؤيتي وقعدنا والشب ما شاء الله عليه رجل وجنتل وسامه وانا قلبي وقع بين رجلي صرت احكي الحمد لله لو اني حاكي لاخو صاحبتي اني بحبك كان انفضحت وحكيت الله بعوض الصابر خير ) بس هو رفض لانو كان في فرق عمر كبير. وانا من هاي النقطة ما كنت مرتاحة . بس بعد هيك ما قدرت انسى هاد الشاب الجنتل متل ما بنحكي لدرجة اني كتير احزنت عليه واي حدا بتقدملي بتزكروا وبرفض ... في يوم كنت بدور على الفيس لقيت صفحتوا على الفيي وصوره ولا هو خاطب انا انصدمت ما اتوقعت اتقطع قلبي على حالي وانا السبب في هاد الشي هو مو داري عني اصلن المهم بعدها اتقدملي واحد اهلي مدحوا وشب كتير امنيح وطيب واهل الشب كانوا طايرين وبس بدهم اي طريقة اوافق على ابنهم وبابا حكالي انا بعرف شو بناسبك يا بنتي والشب امنح المهم انا وافقت لانو الشب الجنتل يلي حكيتلكم عنو كان خاطب . وانا في خطبتي وقعت في مشكلة الكبيرة خطيبي ما كان مناسب الي ابدا ولا باي شكل من الاشكال لا اسلوب ولا فهم ولا ترتيب في البس ولا شي هو مكيف بس مجرد انو خطب وكنت احس انو ماشي وراء غريزتوا لا اكتر ولا اقل وما كان قد المسؤول . المهم في فترة الخطبه حكيتلوا انو نحنا مو مناسبين لبعض وخلص الله يبعتلك وحده احسن مني . وهاد لزق فيني وما اقدرت اقتك منوا ولا من اهلوا وصاروا يحكوا يلي بدها تطلق بدها تدفع فلوس المهم وبابا زعل مني انو ليش هيك اعمل وادخلوا الاهل وحلو المشكله يلي بينا وبنسبه الهم المي رجعت لمجاريها بس انا لاء ما كنت قادر اتحمل هاد الانسان كارهيتوا وانا كنت خايف اظلمه كملت معه وحكتيوا انو في اشياء انا مش مرتاح فيها في هاي العلاقة وضحت رأي علا وعسى نوصل النقطة نتفاهم فيها ونلتقي لكن ما كان من الاهل الا انهم يحددوا موعد العرس وكان موعد قريب طيب كيف انا بدي اعيش معوا وما في انسجان وانا مش مرتاح معوا وهو بكذب علي صار حتى ما يخسرني . ما كان في حل والوقت صار صعب وجدا كمان ادعي واصلي واستخير . هههههه حاولت اعمل مشاكل ما اقدرت قرب موعد العرس حكيت اذا فيه خير يا رب يتم وإذا ما في خير يا رب ما يتم صارت الحفله ولبست البدله وخلص العرس وروحنا كل مين على بيتوا وانا طبعا على بيتي معوا انا كان عند شوي امل انو يكون تعامله معي في بيتوا احسن لكن (طبعا كل معاناتي معه ما اجت جزء من يلي عانيتوا معه في البيت ومن اول ليله عدم وعي عن العلاقة الحميمه يلي لازم تحدث وعدم وعي في تعامله مع زوجته ولا اسلوب يعني طفح الكيل وما قدرت انحمل تسببلي في جروح وما صار دخول . كان يحاول بس نفس الشي وما كان عنده القوة الكافيه المهم صارت المشاكل تزيد وامه تدخل فيها في حياتي وشو بنعمل وبدها اشتغل وموضوع الدخله ما اهتمت فيه ولا كانوا في اشي . انا والله مصدومه وصدمه وراء صدمه كتير اتعبت الا ان شاء الله صارت مشكلة بيني وبينوا وانا خلص لهون خلص حكيت لاهلي حتى اوضع حد للجميع والدي اجا وحطلهم حد وحكى ما بسمح في شغلتين انك تهين بنتي يعني تضربها او تقرب على حق الها انتهى الحوار وراح الكل ولا زوجي ماخذ ذهبي ومخبيه عند امه . انا ودعت زوجي من دون ما احكيله شي وصلني عند اهلي وحكيت لبابا انا سرق ذهبي وبدون علمي ومخبيه عند امه حكالي والدي خلص هاد ما بتاجر فيه الشب المهم اجى في الليل لحتى اروح معوا على بيتها انا ما رضيت اطلع ولا اشوفه ومن هاد اليوم ما شفته وهسا بينا محاكم وانفصال . (الحمد لله على كل حال) والدي زعلان لانو ما رد علي فترة الخطبة بس الحمد لله ما صار شي ولا في اولاد . المشكلة كيف ارجع اكمل حياتي عادي وانا ما بنسى شي صار معي؟ وكيف ارجع ثقتي في الرجال واختار صح ؟ وما اترك هاي التجربه تأثر علي مستقبلا؟ وكمان شغلة الشب الجنتل كيف انساه ؟ ساعدوني حاس حياتي ملخيطه وكتير . اه وتنويه اصغير يلي اتزوجتوا خالوا بكون متزوج اخت الشب الجنتل . فانا من هاي الناحية بس انو وضعي مشلبك ومش عارف شو اعمل .