أشعر أني غريبة وأنا وسط عائلتي

السلام عليكم اتمنى دكتور نفسي يقرا مشكلتي ويعلمني اش فيني انا احس نفسي غريبه وسط عائلتي ومحيطي صرت اكره بعض الاطفال لانهم يوتروني قدام الكبار خصوصا اذا جا يعرف يتكلم او يفهم .وب النسبه للاشخص اذا احد كلمني م اقدر اطالع ف عينه لما يتكلم . وافكر ف كل شي واتفه شيء وعقلي دايم يفكر يفكر م ارتاح منه لما اجي اسولف مع اي شخص عيني تصير كانها معجبه او اكذب واحيانن نضرات حقد مع اني م اكره الشخص ولا شيء ويخرب الحوار وابدا احاول اشغل نفسي عشان م تلتقي عيني ف عينه احس ان قلبي بيطلع اذا احد ناداني يبغى مني شيء ارتبك ونبضات قلبي وابدا اسوي حركات لا اراديه ووجهي يتغير واذا ضحكت ضحكتي ترتجف احسها واذا سويت المطلوب تجلس اعصابي مشدوده وتعورني مره .اصلا اعصابي دايم ترتجف ومشدوده حتى لا جيت انام عضامي تعورني وشعري يتساقط بشده واتعب من الجمعات والتجمعات لاني م ادري كيف اتكلم او كيف نظرتهم لي وما احب اسمع ل احد وهو يسولف لاني اتوتر واحس اني ب انفجر واذا كنت ف جمعه يعم الصمت وكل شيء يصير كئيب وبليالله نضحك رغم اني كنت عكس كذا تمام لاكن من سنتين بدت معي وكل مالها تزيد وتصعب حتى الدكتوره ف الكليه م اقدر اشوفها وهي تشرح اي شيء وهي تتضايق من نظراتي . حلوها لي الله يسعدكم