لا أستطيع النظر للناس مع خوف وارتباك

بدت الاعراض لما انتهيت من الثانويه بعد 3 شهور من التخرج تقريبا بديت احس بشكل خفيف هلااعراض وزادت واستمرت لين هلحين .قدمت ع جامعات الرياض وماانقبلت إلا ف كليه دبلوم ع نهاية السنه قدمت وانقبلت الحمدلله قبل التقديم جلسة ف البيت فتره سنه تقريبا وماكنت اطلع كثير لان عائلتنا م تطلع وتحاول تبسط نفسها . صرت م احب الناس شوي ولا احب الاجتماعات وراسي صار يصدع وبس افكر ف كل شي يسويه اي شخص كل شي وادق شي واحس احترفت لغة الجسد من كثر م احلل كل شيء وبسس افكر ولا انام ع طول، طول الوقت افكر ف كل شي سويته والاشخاص اللي واجهتهم وليش انا سويت كذا وليه هم كذا .وما صرت اقدر اسولف مثل قبل احس تصير السالفه سامجه واحس الناس مدري كيفنضراتهم غريبه أو با الأساس انا نظراتي غريبه ؟ نظرات واحد يكذب على إعجاب مدري كيف . تكون السالفه عاديه جدا بس يجي عيني ذا الشعور الغبي مع الكل وتنعكس عليهم نظراتي واكره حياتي وابدا اتلخبط ف السالفه واخاف كثير وقلبي يدق وتتغير ابتسامتي وتصير ترجف وكل مره احاول اقاومها عشان تخف لو بنسبة 50% كان الشعور يجيني مع اشخاص ينعدون الان تقريبا مع الكل .مع ابوي واخواني لما يسولفون معد اقدر اخذ واعطي يجيني هذا الشعور اللي عيني كاني اضحك او اكذب او كانها نظرات شهوه مع ان مافي شيء من هذا ويحسبوني وصخه ويجي ف بالهم اشياء وهي كذا نضراتي مع الكل بسس معهم بزياده لأني افكر ب اللي يفكرون فيه واقول جواتي لا لا والله انا مو كذاطبعا انقبلت ف كليه ع نهاية السنه توقعت تمشي اموري واتحسن أول سمستر كنت عاديه جدا وكونت علاقات ثاني سمستر صرت اخاف او ارتبك من بنات معينين اسولف معهم أو يسالوني او ينادوني وأحس اني غريبه وإذا بدينا سالفه تجيني طاقه بس لما اشوف نظراتهم تتغير احاول اقطع السالفه أو انشغل ب اي شي قدامي واتوتر عاد إذا انزنقت مره يعني اقلب ف جوالي مع ان م في شي مهم بس عشان اشغل عيني. ثالث سمستر زادت الحاله وصارت مع الكل تقريبا حتى الاستاذه لما تشرح م اقدر اشوف عيونها وهي تشرح او اركز معها وحتى لو جت نظره ب الغلط يوقف قلبي وعيني ترتبك وهي بنفسها ترتبك ف قررت اني م اطالع ف عيونها ابد واحس لازم اطالع ف عيونها ضروري تعتبر اسآه لها ولي ف الاغلب صار يتجنب نظراتي وانا كذالك معد اقدر اطالع ف احد مثل قبل ابدن كلهم عدا امي وبنت عمي واحيانن يكون الشعور خفيف معهم بس عادي اسولف معهم وكذا وهم اكثر اثنين اسولف لهم بعد اللي صار ( طبعا مو معناته انو م اقدر اطالع ف عيون هلناس ابد لا ؛ اطالع بس بكابه او بنظرت عيوني اللي تكلمت عنها قبل اللي كاني اكذب او كان فيني شهوه مدري كيف وما ابغا الشعور ينتقل لهم عشان اكمل لهم اي شي كنت اقوله ب الذات اذا كان رجل لانه يفهم نظراتي غير عن النساء تجنبت السوالف وركزت بس ع الاشياء المهمه جدا مع ذالك مافي تواصل بصري ) وعلاقتي مع الأطفال صارت مدري كيف صاروا يشوفوني ضعيفه وصرت اكره حركاتهم ويستفزوني ومعد اقدر احبهم مثل قبل كل شيء صار تافه حتى سواليفهم معد اتقبلها .#طبعا قبل كنت عكس كذا تماما ماكان احد يهمني ولا افكر ف احد وادخل ف عين الواحد لا تكلم وكنت اضحك كثير واتقبل كل شيء واقدر ارد ع اي احد وكنت راس المجلس ورايي وكلامي واعرف احاور وامسك احاديث بس الحين ..