أمنيتي أن أختلط مع أصدقائي من غير خوف أو قلق

صباح الخير انا شب بعمر ال 20 سنه ناجح توجيهي بمعدل 55 حلمي طول عمري اطلع ادرس خارج بلدي بس ما قدرت اجيب معدل اكثر من هيك ( رسبت اول مره ورديت عدت وجبت هاد المعدل) كنت اكتر واحد بدرس بين صحابي وكانو اشياء ما يعرفوها افهمهم ياها انا المهم بفتره التوجيهي اول سنه ما درست مزبوط عشان هيك رسبت ثاني سنه تعبت كتير كتير بس كان عندي مشكلة اهلي ما كانو متوقعين اني انجح كنت احاول اجمع طاقه ايجابية قد ما بقدر واطرد الطاقة السلبية بس بكلمة وحدة من ابوي او امي ( ليش انتا رح تنجح؟وانتا بتدرسش روح شوف ابن فلان كيف بدرس وكيف بحفظ) طبعا ابن فلان كانو اهلو يحكو معي عشان ارن عليه واخليه يدرس ابن فلان كان 24 ساعه نايم او طاشش كان يدرس بس 4 ساعات وانا كنت من ال10 الصبح لل 2 او 3 الفجر طبعا مع اوقات راحة المهم اهلي حكولي انجح ومنسجلك باي جامعه وعلى حسب معدلك ولو قدرنا نطلعك تدرس برا البلد منطلعك اجت النتائج وطلعت ناجح بمعدل 55 هاد المعدل بتقدر تدرس بالجامعة بس موازي المهم اجيت حكيت لاهلي يلا انا بدي اسجل بالجامعة صارو يحكو لا ما في تسجل ومش قدرتنا وانا اصلا كنت بوخذ دورة صيانه حاسوب ( بكرهها ولا بحبها ) وكذبو علي وما دخلت الجامعة وانا من وقتها تغيرت 180 درجة صرت اخاف اطلع مع صحابي اضل حابس حالي 24 ساعه بالدار بس اروح لدوره صيانه الحاسوب وارجع حياتي عبارة عن ( نوم كمبيوتر اكل نوم نوم كمبيوتر اكل دوام كمبيوتر نوم) بس ما بطلع مع صحابي الا صدف طبعا بحاول ما اطلع بس بزعلو وبصيرو يحكو كل ما بدنا نشوفك بتحكيلنا مشغول وانتا قاعد بتلعب على الكمبيوتر خلص عرفو انو اي اشي بحكيه كذب صح انا كذاب ما بكون علي اشي بس ما بحب اطلع خلص انا بكره الطلعة ما بدي اطلع لانو بحس حالي ناقص تخيل بس كل صحابك جامعيين وبتخرفو عن الجامعة وانا قاعد بتفرج عليهم بس قسم بالله ايام بدمع وانا قاعد ليش هيك يا ربي طيب مش مشكلة انا كمان اكم يوم بخلص الدورة ولازم انزل اشتغل بالسوق بمهنتي بس انا بخاف امسج اي جهاز واصلحه بخاف اخربو وطبعا بالسوق اذا صرت تخرب اجهزة بتطلع عليك سمعة انك ما بتعرف تصلح خلص وقتها مستقبلك ضاع ما رح يجيك زباين ولا شي بس بالمركز انا بحل وبركب الاجهزه عادي وبدون خوف بس خايف انزل على السوق غير هيك انا كرهان حالي لا شكل (انا سمين) ولا مصاري (حالتنا منيحه بس مش من الناس الي سيارات وبيوت واراضي ولا من الناس المفلسين يعني وسط حالنا على قدنا الحمدلله) بس انصحوني انا مش عارف حالي مريض نفسي بخاف من كل اشي خارج البيت ما بحب اخطلت بالناس ما بحب اطلع واشتري اغراض للبيت ما بدي اشتغل بخاف اشتغل بخاف ازعل احد لو صارت معي طوشة ( مشكلة، مضاربة، هوشة ) بخاف ما بعرف شو اعمل بحاول احلها بدون مشاكل بدي اعرف شو اعمل بديش اضل حابس حالي بالبيت حابب اطلع واطش واطلع مع صحابي حابب اشتغل عشان اجيب فلوس من تعبي حابب اتعرف على الناس حابب اخفف وزني فيدوني شو اعمل وشكرا الكم