اكره شعور الانكسار الذي يحرمني من حياتي

مشكلتي انني انسانه جدا حساسه اتجاه مشاعر الاخرين ماقدر ابد اجرحهم ولا اخليهم يحزنون ولا احب احد قدامي يتضايق ،كنت اعتقد ان هذا الشيء ايجابي فيني لكن صار ياثر علي،مثلا لو كنت اتناقش مع ابوي شغله وزعل علي لو كانت سخيفة ممكن ما انام واجلس حزينه واتراجع عن كلامي واحس اني مخنوقه لدرجة ممكن اروح ابكي له اعتذر جدا وانكسر بقوة ، للاسف احس اهلي صارو يستغلون ضعفي وصارو يزعلون علي بسرعه ومايكلموني ممكن ع اشياء بسيطه مع اني اكثر وحده في البيت مطيعه لهم لكن ماحب شعور الانكسار اللي يخنقني ويحرمني من حياتي لدرجة لو احد من اخوتي صار بيني وبينه مشاكل اروح اعتذر له واجلس لحد ما اتاكد انه رضا عني افف اكرهني بقوة احس اني ضعيفة جدا جدا والناس تستغل هالشيء وكثير ناس تقولي انتي على نياتك ابي اعرف انا صح ولا غلط وابي اتخلص من الشعور الحزين اللي يخنقني لما احد يصير زعلان علي خاصه وربي اذا ابوي وامي او اخواني زعلو علي هنا احس ان ربي غضب علي لدرجة اجلس ابكي بقوة واجلس مهمومه بهم عظيم وقلبي يصير يدق بقوة وكاني راح افقد السيطره على نفسي بل ممكن اترك الاكل واهمل نفسي عشان اي مشكله تصير معهم ايضا انا وحيده ماعندنا صله قرابه من جهة امي او من جهة ابوي واغلب الوقت في البيت وغير كيذا صديقاتي علاقتي فيهم متوسطه ،كثير بنات بالجامعه يعرفوني ويسالوني كثير ونتكلم سوا بالواتس بس مافي علاقه صداقه يعني ابي احد افضفض له واقوله قد ايش انا مليانه حزن عندي مشاكل سابقة بالاكتئاب والهلع والوسواس القهري احيانا تجيني افكار حاليا بان احد راح ياذيني احس ان انا دايم في الجو الحزين مهما سويت احس هالحزن ما اثر علي زي الاكتئاب السابق اللي مريت فيه ،احس دايم بضيقة قويه وحزن شديد مع اني احاول اصير ايجابيه واترك الافكار السلبيه وايضا احاول اشغل نفسي بالامور الدينيه وغيرها