أبي الأناني وزواج أمي وحبيبي الخائن عقدوني من الزواج

السلام عليكم .. احتاج مساعده حقيقي ..قصتي كالتالي ..ماما وبابا انفصلو من انا صغيره تقريبا بعمر ٦سنين عشت مع والدتي وكانت لي الام والاب وطول عمرها تحاول ما تقصر معايا وانا صراحه نادرا ما افقد بابا لانو هوا عاش حياتو ونسينا كبرت شويتين دخلت المرحله المتوسطه صحبتي عرفتني على واحد وحبيتو وحبني وجلسنا مع بعض ٤ سنين لين تخرجت من الثنوي تقريبا وكانت العلاقه جديه ومكلم اهلي وعلى اساس بس نكبر وكدا نتزوج وانا اعرف اهلو لكن قجاه اتحول وخيانات شكل مو طبيعي وانا ارجع ارجع ارجع لاني جدا اتعلقت فيه بصفه ابو وحبيب واخو وشخص اتكلم معاه وكدا.. لكن في النهايه كمان هوا اتخلى عني واختار وحده عني ..(مر على دي الحكايه ٣ سنين) + ماما اتزوجت واطلقت كم مره بعد بابا .المهم انو انا دحين عمري ٢١ السنه الجيا اتخرج من الجامعه ان شاءالله وعندي قريبي جدا يحبني من احنا صغار لكن ما كنت افكر فيه هوا مره طيب ومافيه عيب ومتمسك فيا طول السنين دي (ويبغى يتزوجني )لكن انا .. لا هوا ولا غيرو .. مني قادره ادخل علاقه ولا اقبل زواج احس قلبي واجعني انو انا ليه كدا بس دا الشي مو بيدي .. يعني شخص مافيه عيب يذكر ويحبني و مني قادره اوافق على طلب الزواج .. يارب..