أشعر بأن الناس تستضعفني وتنظر لي بعين الشفقة

والله انا عندي مشكلة كبيرة ارجو منك انك تحلها لي او تساعدني في حلها انا هفتحلك كل الي جوايا علي قد ما اقدر بص حضرتك انا عندي مشكلة كالأتي زي ماتقول ايه كده الخوف من المواجهات يعني مثلا انا لما يكون حق عند حد او بطالب بحاجة او بدي رئي مثلا مش عارف اخد حقي ازاي او لما باجي اتكلم واخد حقي وكده بيحصل كده مثلا انا لما اكون خدت حاجة من عند البياع مثلا واحب ارجعها له بتكلم معاه بأدب واحترام ممكن ميرضاش يرجعها اروح واتكلم معاه كويس يروح ميرضاش مثلا انفعل شوية زي اي انسان طبيعي واقوله ايه العبط ده او شغل الاستهبال ده يروح هو الي ينفعل فيا ومعرفش اعمل معاه حاجةبسبب الكلمة دي انا عارف اني طولت عليكم ولكن ما باليد حيلة ودا بدل ماينفعل انا وهو الي يشد معايا ويروح عليا حقي مثلا انا لو اتأخرت علي مدرس في حصة يقولي اطلع برا اقله المبررات الحقيقية فعلا وميرضاش يدخلني وبحاسب علي كل كلمة وانا بطلعها خايف للكلمة متعجبش الي قدامي فتحصل مشكلة بسببها وكمان والله اسف للأطالة بس اعمل ايه والله تعبت ! والي يزيد الطينة بلة ان الناس سعات دا غالبا كمان انا بكون في عيونها مثير للشفقة ويقولوا للي قدامي حرام عليك دا شكله غلبان وطيب ودا بيأثر علي نفسيتي جدا وانا مثلا لو كنت في جامعة او المدرس او البياع وانا بدالهم وحد شد عليا بضطر اعمله الي عايزه والله نفسي بجد حاسسها بتصعب عليا انا كنت كده من زمان بس في 3 ثانوي عرفت ربنا بجد واطلعت علي ديني جامد وطبقته في حياتي ودي كانت نقلة نوعية في حياتي واتصلح حالي لحد كبير جدا جدا ميتوصفش لدرجة اني كنت بنصح صحابي وزمايلي وجيراني علي الصلاة والدين عجبهم جدا كلامي والتحول في شخصيتي وكنت بحس نفسي بأثر علي الي قدامي ولكن مقعدش معايا الحال ده كتير حوالي 6 شهور ورجعت وحش تاني وفي ناس بتقلي يا محمد انت طيب وهتتاكل في الزمن دا بس بقلهم ربنا قال الخبيثات للخبيثون والخبيثون للخبيثات والطيبات للطيبون والطيبون للطيبات وبيقولولي ونعم بالله يعني مفروض اقا جاحد والناس تكرهني ولا ايه واقا بلطجي ولا اقا كده والناس مستضعفاني ويعتبر كارهني وبطلع كل كلمة بحساب زي ماقلت وممكن اتكلم علطول وبطلاقة يقولولي اوزن كلامك ولما تحصل خناقة بيني وبين اي حد بحاول اهديه مع انه الغلطان ! لما يشد عليا وكمان تحصل خناقة بيني وبين حد في ناس بتدخل وانا بقدر الناس دي والناس دي لما يحصل بينها مشاكل عايزهم يقدروني وميرضوش يقدروا ويا جماعة اقسم بالله حضرتك انا عايز اقي بني ادم سوي واقا محبوب ومقدرني الي حواليا مع اني عاق الوالديم الي حد كبير يعني باختصار كده الي يزعلني من الي قدامي سعات بعديها ولما مش بعديها بيتاخد مني موقف وانا مش غلطان مش عارف ليه وكمان بحاسب علي كلامي ليزعل الي قدامي والله العظيم اقسم بالله تعبت وارجو المساعدة لولا الانتحار حرام كنت عملته والله تعبت جدا للعلم انا غير مدخن ومش بشرب حشيش ومش بكلم بنات ومش بعاكس بنات والله ومش بسب دين ومش بشتم حد بأمه ابدا وانا شكلي بشهادة الناس كلها زي الاتراك والسوريين والحمد لله فأرجوا المساعدة من الشيوخ وعلماء الدين او الناس الخبرة والي فاهمة الدنيا تمام بالله عليك هدعيلك من قلبي يجماعة لو لقيت حل بجد من قلبي وعايز كماناعرف ايه الي مطلوب مني اساسا في ديني مثلا ايخ معني عقوق الوالدين والغيبة والنميمة وصلة الارحام عايز اعرف ايه معني الحجات دي مني في الدين وفي اكيد الكثير الكثير واعملها مش بعملها لاني مش عارف ايه هيا باظبط والله نفسي اقا كويس انا مش عارف كده لو اتجوزت لما اكبر وخلفت ازاي هملي عين مراتي وولادي وشخصيتي كراجل قدام مراتي وولادي وازاي يكون ليا هيبة واحترام ما بينهم بس ازاي وانا كده والله قربت اتجنن اتمني بجد حد يكون حاسس بيا واكيد في حجات كتير يجماعة في ديني عايز اعملها واعرفها بس مش عارف نفسي بجد اكون قوي زي عمر بن الخطاب وخالد بن الوليد في قوتهم وشجاعتهم وتقدير الناس لهم بس ازاي !!!! وانا مكنتش بالحالة دي في 3 ثانوي بس تقريبا لما قسمت السنة المشكلة تفاقمت شوية وانا ملتزم بالصلاة من حوالي سنتين وحاجة ارجو التفهم وشكرا ووالله لو لقيت حل لمشكلتي لادعيكلوا بجد من قلبي