خائفة أن أبقى طول العمر أنتظر جبر الخاطر

انا اليوم حاولت انتحر .. حاولت قطع شرايين اديي وماقدرت خفت الله يسخط عليي.. تزوجت من 3 اشهر نحنا بعاد حاليا عن بعض لان عم حاول انتقل لعند زوجي .. اليوم طلبت منو انو يوعدني ما تكون بحياتو وحده غيري ابدا ولا يتزوج ابدا غيري .. فسكت وال انا ما بوعدك وضليت حاول افهم السبب واخر شي عصب وحط الحق عليي بأنو انا بختلق المشاكل وقال السبب انو هاد تحكم حاولت فهمو بس عبث .. مستحيل يراضيني شو ماعمل معي اذا بشوفني بطق من البكا .. واذا بقلو هي قيمتي عندك بقلي بكيفك واي شي بقلي فهمي عكيفك اذا بقلو بدي سكر التلفون بقلي اي بكيفك سكري وشو ما بدك فكري ومابهمو ابدا مشاعري ولا شو عم حس واول ما بلش حكي عن اي شي جواتي شو ما كان عطول بيقلبا مشكله لان مابدو يكفي الموضوع وبصير انا يلي لازم راضي .. مستحيل يتحمل اي كلمه مني بيحسب كلامي بس كلامو هو اذا جرحني عادي ومالازم ازعل .. انا حتى بخاف ازعل .. الزعل ممنوع لان هو بس ازعل منو بقلي مابراضي حدا ابدا ازعلي وبحط راسو وبنام .. اما انا مابقدر نام اذا هو متدايق .. والله تعبتل يوم ببكيني بكلامو بعدم احساسو فيي الشهر الماضي كلو ماقلي كلمه بحبك مع اني كنت اطلبا منو طلب .. محتاجه مشاعر عواطف حنان بس هو مو مستعد ابدا يعطيني شي بحس انو من كتر ما بطلب هالشغلات يلي ما بتنطلب اني عم اشحدون شحاده والله بعد ببكي من قهري معقول ما بحبني .. من قبل ماكان هيك معي يعني بالخطبه كان غير كل مابتذكر كيف كان وكيف صار بيتقطع قلبي وبموت من البكا .. هاد زواجي التاني وعندي ولد صغير .. انا خايفه اندم .. خايفه ضل عايشه كل عمري معو هيك عم استنى كلمه حلوه او جبران خاطر منو احيانا بحس حالي ذليله والله مافيي الب الطلاق لان متأكده انو هو رح يطلق فورا من دون اي تفكير .. ولا رح يحاول يفهم الاسباب .. مابدي توصل القصه معي لهون انا مكسوره من جوا بحس انو مافي شي بصلحني اليوم كسر بخاطري كتير بحس لما بحكيلو عن مشاعري بيستسخفني وبينو وبين حالو اكيد بقول انا شو الله بلاني .. وكل مابيدايق مني بشغله اتفه من التفاهة بقاطعني وبكش فيي وبقلي انشالله بموت وبخلص من هالحياه .. انا مابعرف ليش هيك والله مابدي منو شي غير يكون لطيف معي مو يعاملني بلا مبالاه .. ياترى المشكله فيي ولا في هو انا مو عرفانه كيف اتعامل معو مع انو هو بيعرف انو بكلمه منو بينتهي اي خلاف بس مستحيل يسايرني او يلاطفني لينهي نقاش او مشكله