وحيدة وانطوائية وسأضيع مستقبلي اذا بقيت هكذا

يسعدلي صباحكم موقع حلوها . انا فتاه انطوائيه لااخرج من البيت الا نادراً اذا احتجت شيء وبعض الاحيان اتردد من الخجل ومااخذه . مااطلع من غرفتي كثير واحب اجلس لوحدي كثير . وحده من خواتي طرحت علي ارجع اكمل دراستي ووافقت وتحمست ويوم جاء وقت اروح اسجل جاني خمول بالفكره وترددت وكل ماابي اروح اسجل اتردد وارجع مكاني واخاف من ردود افعال المعلمات او المديره وكيف بقابلهم بعد هالسنين اللي مرت وشلون بقابل ناس جديده علي وكرهت الفكره بين ابي هالشي وبين مابيه وعرضت على اختي تروح معاي عشان تتكلم عني لاني اكرهه اتكلم مع ناس غريبه واخاف اذا طلعت كلمة من فمي اجرحهم او هم يجرحوني بردهم اخاف اروح واتكلم معهم لكنها رفضت اختي الروحه معي وتحججت وقالت لي روحي وانا اخاف المواجهه ومدري وش اسوي حتى كلام اللي ابي اقول لهم اني برجع للدراسه بعد الانقطاع ماعرف شنو اقول لرحت وشنو ردود فعلي .وشنو راح يكون بعد هالخطوه . اذا هذي الخطوه ماقدر انجزها . كيف اقدر انجز باقي الخطوات القادمه . ابي مساعدتكم كيف اتكلم بثقه واقول ابغى ارجع ادرس للمديره او المعلمه . علموني