أعيش في جحيم ساعدوني ولو بكلمة

السلام عليكم انا طالبه وبحب دينى جدا بس من فترة وانا بتجي عليا وساوس خوف وقلق من كل حاجه حوليا ومن المستقبل والدراسه وكله بس المزعج اكتر من ده كله هو الوسواس الدينى وخصوصا لما يكون قهرى ومش قادر تطرده وكل ما احاول اتخلص من الفكر الوساوسى ده بيرجع يزيد اكتر وتعبت لدرجه انى مرة طلعت على سطح البيت مكنتش عارفه انا بعمل ايه كنت عايزة انهى حياتى عشان الوساوس دى بس حسيت وقتها انى كنت مغيبه وعقلى مكنش معايا كل اللى اقوله يقولى ده نقص فى الايمان بالله وده تعب نفسيتى اكتر واكتر وبقيت عايشه فى جحيم وحاسه انى حياتى عبء عليا وبدعى ربنا يخلصنى منه بس بيزيد ومبقدرش اركز فى اى عباده بعملها