أشعر دائماً بالفشل وزواجي كان الملجأ الوحيد

انا موضوع اني اتجوزت عشان اهرب من البيت وعشان منجحتش ف الشغل وعشان معرفتش اعمل معهد ولا مركز ولا حضانه ولا اي شئ حلمت بيه وحاسه اني محققتش نفسي وحاسه اني كنت حره ايام بيت الطلبه لكن مسجونه دلوقت وعارفه ان ايام بيت الطلبه برضه مكنتش حققت حاجه فأنا في حيره لانافع ابقي لوحدي ولا مع اهلي ولا في شغل وكان الحل الجواز انا حزينه اوي ان اصحابي عملوا مشاريع ونجخوا وحققوا نفسهم والانيل انهم كانوا فيهم مطلقين وفيهم ناس عندهم مشاكل بس لقوا حد في واحده وواحده ضاحبتها فتحوا وفي واحده اخوها هو اللي فتحلها وقف جمبها انا بقي لا ليا اصحاب ولا اخوات وخفت اعمل مشروع لوحدي ولما فكرت اقولهم خوفوني وبقت فكره الجواز بس هي الحل عشان اهرب منهم ومن الخوف ومن الفشل ف الشغل ومن الفشل ف جوازي انا عايزه حل للافكار دي هتموتني امتي هاعرف اتكلم ويبقي ليا اصحاب بجد ممكن يكونوا سند اذا دخلت مشروع وايه الشغلانه اللي تناسبني واحس بنفسي وازاي الاقي حد يقف جمبي ويساعدني انجح وكل دا ازاي وانا متجوزه دا كنت بعتاه لدكتوري النفسي لاني في السعوديه وفين ع ما يفضي ويرد والمشكله انه بيكتبلي ادويه اكتئاب وبس وانا نفسي في حل