أصبحت انسانة عصبية جداً بعد انجابي للطفل الأول

انا كنت انسانه صبورة وهادئه واللي حولي دايما بيقولو عني حكيمه وانا هذا الشيء ابدا ماأحطه في بالي عشان لا يدخل العجب لنفسي.. اتزوجت وعمري 19.. ودحين عمري 24.. زوجي انسان طيب ويحبني لكن دقيييييق جدا وكان مانعني من اشياء كثيرة.. هو متأثر بطبيعة اهله.. وكثرة تدقيقة والحواجز اللي حاطها لي جابت لي ضغط نفسي وبعد كم سنه من زواجنا بدأت اسوي اشياء من وراه هي عاديه جدا "مثلا كان سامحلي اكلم وحده فقط من صديقاتي واتس ولمن سافرت وحسيت بالوحده كنت اتواصل معاهم من وقت للثاني عشان لا اقطع علاقتي معاهم مع العلم تواصلي معاهم ابدا مايشغلني واساسا انا ماأحب برامج التواصل ".. واذا وضحت لزوجي عارفه ردوده... وبعدها خلفنا ولد الحمدلله وعمره 4سنوات.. مرينا بضغوطات ماديه وعدم استقرار حياتنا السكنيه.. هذي الأمور كلها خلتني انسانه عصبيه عصبيه عصبيه حتى شخصيتي اتغيرت كنت هادئه احب جلسة البيت ومااحب الخروج ودحين سرت احب اجلس مع الناس واقاربي واحب اتمشى واغير جو باستمرار وماأحب اظل فترة طويله بالبيت او اني اظل لوحدي بضيق جدا... انا تعبت من العصبيه هذي احيانا احس بجد محتاجه مهدئات نفسيه بس زوجي مارضي.. احيانا بمارس الرياضه وتهديني بس ماأقدر التزم بيها بطريقة دائمه... ولدي من قبل لا يجي ع الدنيا وانا بثقف نفسي بالأمور الأسريه والتربية ولمن جبته بدأت معاه بطرق سليمه لكن السنه هذي اعصابي بتفلت مني احس صبري ينفذ بسرعه بأعصب واتصرف بطريقة عارفه انها غلط سرت لمن اعصب اطلب من ابني يبعد عني واكون لوحدي عشان أحاول اتمالك اعصابي.. حتى أمي دايما بتقلي رح تتعبي بصحتك من العصبيه.. انا طبعي اسكت اسكت اسكت وفجأه اعصب بطريقه اللي مو فاهم اللي داخلي بيقول اعصب ع شيء مايسوا واعصب ع اكثر من شغله شيء له معنى لعصبيتي وبعضه لا.. ابغا اتخلص من هذي السلبية سواء بأمور حسيه او معنويه... والله المستعان..