لا أريد أن أظلم أحداً معي لهذا أفكر برفض فكرة الزواج

راح احكي قصتي بشكل مختصر واركز على النقطة المطلوبة عشان ما اطول بالكلام..انا اتعرضت لتحرش وانا صغيرة من اكتر من شخص, وبس صرت مراهقة صارت مشاعري الجنسية قوية وما اقدر اسيطر عليها, اخطأت بحياتي وعرفت شباب, وكنت اعرف اكتر من شب وكنت شاطرة باللف والدوران!!! مشكلتي هلأ, خايفة اتزوج!! خايفة اظلم زوجي معي..أظلمه انه ما اعرف اكون بس اله, يعني خايفة اخونه.. واظلمه لما اخبي عليه الماضي تاعي... مع اني الي سنين تاركة الماضي والشباب بس فكري بضل مش نضيف.. وبالعكس نجحت على الصعيد الدراسي والوظيفي والشخصي بس بضل اتفرج عالناس اللي حولي..نسبة كبيرة بتخون سواء الزوج او الزوجة, والنسبة التانية نفسها تخون, يعني تجارب الناس اللي قبلي فاشلة والموقع هدا اكبر دليل على الخيانات الزوجية...ازا هم خانوا , انا ما راح اخون, معقول؟ّ؟ّ؟ّ؟ّ مع الماضي تاعي ما راح الف وادور على زوجي؟!؟! حتى لو حبيت زوجي, اخرته الحب يهدى ونعتاد عليه والفراغ بعد سنين راح يزيد وشيطاني كبير, كتير كبير , راح يخليني الف وادور ووقتها بكون بعيش تعاسة كبيرة. صح اللي بحكي فيه مستقبلا بس انا بحب اكون مستعدة للمستقبل, يعني يا بعالج حالي ازا اللي انا فيه مرض, او بقنع حالي اني الغي فكرة الزواج من حياتي عشان ما اظلم حدا معي, بكفيني اظلم حالي.