اشتقت للشغالة فهي من أقرب الناس لي

حياتي كلها مشاكل من صغري للحين ماتغير شي لي 30سنه وهم مشاكلهم ماتخلص ابوي يكره امي واهلها وهي نفس الشي تكرهه مع اهله. الله ياخذ الي جمعهم مع بعض عشت منعزله عن الناس ماعرف غير البيت رحت المدرسة شفت بنات هناك ماعرفت اكون صداقات الا اني حبيت المدرسة كتغيير جو عن البيت كنت اتمنى اعيش مثل البنات الي معي بالفصل اشوفهم يسولفون يتمشون يجلسون مع بعض اتمنى اصير مثلهم بس ماصرت اغلب وقتي بالمدرسه بدون فسحه كنت ادور الاكل بالزبالة واكل كنت حيل مستانسه اذا شفت بنات يرمون اكلهم ومرات المستخدمة تشوفني جالسه تعطيني ريال ومرات تجيب لي اكل بعض الاحيان المدرسات يعطوني على حسابهم اهلي عندهم خير لكن بخل مايعطون شي حتى جوال ماشرو لي ولا حتى جهاز رخيص رحت متوسط وثنوي نفس الحال ماتغيرت كنت اكره وقت الفسحة لان ماعرف وين اروح ويجون بنات النظام يطلعونا من الفصل غصب انا اروح الحمام اجلس لين تصفر ارجع الفصل تعبت من حياتي والكل يعايروني اني منعزله وانطوائيه ماعندي بنات خالات ولا بنات عمات اهلي مايرضون كل واحد معاند الثاني مااشوفهم الا وقت العيد اشوف بنات خالاتي كلهم مع بعض الا انا ماتعودت عليهم ونفس الشي بنات عماتي. بس اجلس ساكته اتفرج اهلي يهاوشوني ليش كل ساكته ولحالك. ايش اسوي ماعرف اسولف ولا اندمج مع الناس وبالبيت كل يتهاوشون تعبت منهم حاولت اموت باي طريقة لاكن ماجاني شي. كبرو هم اعمارهم بال50 صارت ومشاكلهم ماتخلص هو مايبي اهلها وهي ماتبي اهله صرت انقهر لما اشوف بنات مجتمعين وانا حتى خوات ماعندي كنت مع شغالتنا اكثر شي لكن للاسف سافرت وصرت اشتغل انا هي علمتني الطبخ صرت لما اطبخ اتذكرها واتمنى ترجع انا مليت من حياتي ابي اشوف ناس لكن كيف طول وقتي بالبيت اجلس اسمع هواشهم الي ماتخلص تقدم لي واحد بيخطبني ورفضو بدون اي سبب انا الي كبري عندها عيال وانا مدري وش نهايتي ماحد يبيني الحين لاني كبيرة صرت