وصلت لهذه المرحلة من الضعف والخوف بسبب دلع أهلي لي

السلام عليكم، انا وحده اعاني من مشاكل مع اهلي وضعف في الشخصيه، انا لما كنت اصغيره كان اهلي يدلعوني و اي شي اطلبه يسوونه لي وانا الملكه بالبيت ياويلي اللي يلمسني ويا ويل اللي يقولي كلمه مو كويسه فلما جننت اهلي من كثرة طلباتي وصرت ابي اشياء صعبه بعدها ضاقوا مني و بدأو بضربي وانا انكسر من الداخل ولا اتحمل الضرب ولا اضربوني اعصب واعاند ويضربون زياده و أروح لغرفتي ابكي وامسك على اعصابي واكتم غيضي فأعصب بشكل غريب واذكر كان تطلعلي حبوب في وجهي من القهر لأن ما صار اللي ابيه المهم لما كبرت صرت انسانه مهمله لكل شي وبس ادور متعتي ولا عندي اهداف ولا طموحات وعصبية جداً مع امي وأبوي وضعيفة شخصية مع الناس وما أقدر ارد على احد وهذا بسبة فكره تطلعلي اخاف اخسرهم ما اذكر قد تسببت بمشكله مع احد الا باضرب بس بالكلام ما اعرف ارد عليهم ولا يجيني دافع اني ارد عليهم واحس بخوف من الناس في بعض الاحيان وارتبك منهم واشوف انهم اعلى مني وثقتي بنفسي مهتزه اي ولما احد مثلاً يستهبل علي يعني ويضحك ما اعرف ارد عليه بمزح اضحك وبس يعني ما ادري كيف اي واذكر بالمتوسط كان اهلي اذا جو ياخذون مني الجوال اهدد اقتل نفسي وانتحر او اسوي بعمري شي وما إلى ذلك المهم السؤال الحين هل كل هذي الاشياء من ضعف شخصيه وعدم ثقه بالنفس بسبب الفترة اللي دلعوني فيها اهلي وبعدين بدو بضربي ام هي بسبب شي ثاني او مرض نفسي لا سمح الله؟!.