زوجي مريض وانطوائي وأصبحت أضرب أولادي بسببه

مرحبا .. انا مقهوره بموت من الغبن والقهر عندما كان عمري 26 اي قبل 3 سنوات جميله جدا خطبني رجل مطلق عمره بالاربعينات وسالنا عنه قالو الناس انه رجل ثري وذكي ومدحوا فيه طبعا وافقت لاني ابي اكون مرتاحه ماديا قلت افضل من شاب لسا ما بنى حياته وكون نفسه ماديا.. وبعد الزواج اكتشفت عككس الكلام اللي قالوه الناس مريض نفسي انطواءي يخاف من الناس والتجمعات يوسوس بالموت حابسني في البيت يكره الترفيه ومكتءب مهمل بنفسه لبسه رث وريحته تغث وماعنده ثقه بنفسه .. اكتشفت كل هذا ولكن للاسف كنت حامل واهلي كل ما اروح لهم يقولو اصبري عشان اللي ببطنك ، عرفت من احد قريباته انه كان فعلا شخص ثري وناجح ولكن قبل زواجه بي بسنه تبدل حاله ومرض وتصدق ماله وتغير كليا.. طيب وانا وش ذنبي انخدع بواحد مثل هذا مو قادر ينفع نفسه ولا ينفعنا الحين عندي منه ولدين وحياتنا ممله حزن ومحرومين من الخروج والترفيه قاعد حزين مكتءب صار هزيل ويتعب من ادنى مجهود يبذله .. ريحته ولبسه تجيب الهم نفرت منه اكررهه لدرجة اني اذا شفته احس غثيان وابي ارجع ماعرفت اتعامل معه اعامله بعنف وقسوه اعنفه بس ما اشوف منه اي ردة فعل حاولت اناقشه ايضا متبلد مايفهم ولا يبي يفهم ولا يبي يتعالج ... صرت انا الحين اشعر بضيق شديد واضرب اطفالي الصغار واصرخ عليهم واصرخ عليه ابكي وانعزلت عن الناس صرت مثله حسبي الله ونعم الوكيل ما الحل