مرهقة فأنا لا أجيد فن الطبخ

السلام عليكم مشكلتي يمكن تكون تافهة عند البعض بس أعاني منها جدا أنا لي خمس سنوات متزوجة وساكنة في شقة عند اهل زوجي وزوجي ماتحمل مصاريف زواج ولا تأثيث بيت كله من اهله المهم هذي المشكلة مأرقتني لانه صار مايتحمل اي مسؤولية ومايهتم لا بوظيفة ولا شي وتوظف بشركة شغلها بسيط مرة وراتب قليل كل هذا عشان مايتعب ويرتاح اغراض الاكل والشرب ياخذها من اهله وانا كأي ست بيت عندي احتياجات أخرى خصوصا لما يكون في جمعات او زيارات الكل يجيب معه صينية حلا او فطاير ويمدحون اكل بعض الا انا بحكم ماعندي اغراض لهالامور واهله صاروا يطفشون وانا احس بحرقة من نظرات الناس اني مااعرف شي ومو سنعة ولا اعرف اطبخ واذا سويت شي قالوا اخييرا ذقنا شي من يدك صرت أتحاشى الزيارات واعتذر عشان هالشي ولا اقدر أخذ حلا من برا يقول ماعندي فلوس لهالخرابيط بنفس الوقت اطفش من الوحدة والجلسة في البيت بس اضطريت عشان الناس لا يتكلمون فيني ويدي خاليه وطفشت من كثر ماتكلمت معاه يقولي انتي مادية عندي طبخات واكلات نفسي أسويها بس تحكمني الأغراض وأكون بنظر الناس اني مو سنعة والكل يتشمت