كنت الملجأ الوحيد لأخي لكي يتعافى حتى أصبت بنفس مرضه

السلام عليكم ورحمه الله وبركاته معكم اختكم امل من السعوديه العمر 20سنه انا اعاني من مشكله ع وشك ان تتدمر حياتي بسببها قبل حدوث المشكله الي اعاني منها كنت امارس حياتي بشكل طبيعي ودايم اعطي للي حولي الايجابيه واحل مشاكلهم مستوى دراستي ب الجامعه ممتاز جدا ماكنت اعاني من مشاكل نفسيه ابد كنت ب سلام داخلي وراحه بال فجاءه اخوي جاه وسواس قهري ب افكار مزعجه تاتيه بكل حين وكان يعاني من اربع شهور كان مايريحه الا كلامي ويخبرني وش يحس فيه ووش الافكار الي تجيه وكنت انصحه واهديه وكان يجيني عشان يفضفض لي الي يحس فيه وانا اذاكر وانا رايحه للجامعه معه بالسياره وانا راجعه يتكلم لي عن احاسيسه وانا نايمه يجيني ينام بالغرفه واقعد ع صراخه من الافكار الي تجيه واقوم مرعوبه واهديه هو مبتلى وكنت من كل قلبي احاول اساعده لان ماحب اشوف احد تعبان المشكله طولت بوقت اختباراتي ف كنت ب ازمه اختبارات وباازمه اخوي المهم ان اخوي تشافي بفضل الله ثم كلامي معاه ولكن كنت كل مااجي بنام اتذكر كلامه الي كان يحس به وجاني خوف ان اصير نفسه وبدا معي الخوف والقلق يجيني ب الجامعه وبالبيت وافكر كثير واستعيذ من الشيطان وقمت اربط الافكار بين بعضها يعني تجيني فكره اتذكر انه كان يحس فيها واخاف واتناساا المهم جاني ارق اسبوع كامل وبدات الافكار تتضارب براسي ودخلت النت اقرا عن هالمرض واحس زادت معي بدايته خوف وبدات مثل السنسله ارتباط افكار ببعض والمشكله ان انا الي طلعته واحس مو قادره ع نفسي وقريت عن الانفصام ممكن ياتي بسبب الوسواس القهري والاعراض احس بدات تبان فيني اهملت دراستي ونفسي واحس كارهه الدنيا نشاطي مو نفس اول احس عايشه بلا شعور لدرجه اشتاق للراحه النفسيه الي عايشتهاا افكار مزعجه مو قادره اوازن حياتي حتي المذاكره مو قادره اذاكر صار مايعني لي اي شي بالحياه احس بدون اي شعور عايشه عارفه انه من الشيطان وان يبينا نعيش حياه كئيبه بس والله مو بيدي نفسي ارجع نفس اول والله ماصار عندي تركيز باي شي من كثره الافكار التسلطيه لدرجه مثلا اشتغل ع شي مايجيني شعور راحه او فرحه اني انجزت شي احس بداخلي شخص مو انا لابالفكر ولابالشعور واللي يالمني اكثر ان انا الي دايم ضد اي شي سلبي وابوي حاط امله فيني دايم يعجبه تفكيري وتعجبه شخصيتي ويشجعني ع دراستي دايم اهلي وصحباتي يشوفوني ب الصوره الاولى الي كنت عليها احس بديت اتلاشى من نفسي واحزن كثير اذا ذكروني ب مواقفهم معاي اول الحلوه والذكريات الجميله لان احس ان هذاك الوقت انا ماكنت كذا وصرت بالوضع هذا فقدت الضحكه من قلب فقدت اللحظه الحلوه فقدت لحظاتي الي مع نفسي الي استمتع بها فقدت الامل بكل شي ب حياتي كلها انا ماراح اعطيكم الافكار الي فكرت بها ووصلتني لهذا الحد عشان محد ينعدي نفس ماانعديت من اخوي وتعمقت عن الصوت الداخلي وقريت معلومات عن الاحساس الي هو يحس فيه انا فعلا تعبانه حيل والالم الي يالمني اكثر ان اروح للجأمعه وارجع بلا شعور احس منفصله عن الواقع الوقت يمشي وانا عالقه بين افكلدار واوهام تسلطت علي احاول امارس حياتي نفس اول لكن مو قاعده احس بشعوري الاولي احس جمود غير طبيعي حتي الاشخاص الي احبهم حيل الين مافرقت تركوني او بقوا معي انا تايهه وربي ابي مساعده