أفكر بالانفصال عن زوجتي والابتعاد عن أولادي بسبب عصبيتي

السلام عليكم مشكلتى العصبيه ممكن تكون ظاهره انها بسيطه و لكن يعلم الله انها بالنسبالى كبيره جدا لدرجه اننى ممكن اخسر اسرتى او اربى اولادى بطريقه غير سويه و ده اكثر شى تاعبنى اطفالى المساكين بعترف انى ممكن اكون متربى بطريقه غير سويه و بعترف انى عانيت فى حياتى و بعترف انه فى شى مضايقنى فى حياتى وماثر حتى على علاقتى بزوجتى و مش قادر احبها اوى و احترمها ( و هوه انى كنت بحب بنت ايام الجامعه و اترفضت من اهلها لفقرى وانى كنت فى بدايه حياتى ) و بعترف انه فيه ضغوط فى حياتى و انه اول 5 سنين بعد التخرج عانيت شويه ووضعى ما كان اوك بس ما علينا من ده كله انا ابن النهارده عمرى 32 سنه متزوج و لله الحمد و عندى اطفالى ووضعى اتحسن بتوفيق و بركه ربنا و لكل مجتهد نصيب ( و ربنا وفقنى حتى اكتر من البنت اللى اهلها رفضونى اتجوزت بعد مااتخرجت بسنه وكان عمرى 25 ونا راجل و هيا بعد مااتخرجت ب 6 سنين و عمرها 28 و ده كبير و بالذات للبيئه اللى هيا منها ) و دلوقتى الحمد لله انا ادام اهل مراتى و ادام الناس غير زمان - مشكلتى دلوقتى العصبيه اعمل ايه فكرت انى انفصل عن زوجتى و الاطفال عشان ما يتربوا معايا بس ده انسحاب فكرت انى اتغير و بحاول بس ما وصلت لنتيجه اسف على الاطاله بس يارب الاقى حد يفهمنى و يقدر مشكلتى و يساعدنى احلها مش عشان نفسى عشان اطفالى المساكين