تجربتي القاسية مع طليقي دمرتني نفسياً ساعدوني

احمل بداخل نفسى رعب وفزع من حياتى القادمة انا امراة كنت متزوجة لانسان بشع دمرنى ودمر حياتى وثقتى بنفسى وقفت بجانبه ف ظروف مرضة وساعدته كتير وعمرى محسستو بعجزوا للاسف كان عجزا جنسيا استحملت معاه عذاب انى اعيش خادمة بدون اى حقوق زوجية ورضيت بعيشتى وقولت نصيبى واول اما ابتدت حالتو تتحسن دمرنى ودمر نفسيتى وصلنى انى كرهت نفسى واتهمنى انى مبخلفش مع ان العيب كان منه والدكتور بنفسه قال كدة انفصلنا بعد ويلات ومرار حاليا انكتب كتابى على انسان بيحبنى كتير وانا كمان بحبه بس العذاب الى شوفتو مخلينى مفزوعه من حياتى القادمة معاه جوازنا خلاص كمان اسبوعين خايفة ليدمرنى زى ماعمل زوجى الاول مرعوبة من فكرة الزواج مرة تانية والفشل الى عيشتو نفسى ابقى ام وهو كمان بيتمنى من كل قلبو بس كلام طليقى مخلينى حاسة انى عقيمة خايفة من كل حاجة ومرعوبة ارجو المساعدة انا بمر باصعب فترة ومرحلة ف حياتى كلها