صراحتي وعفويتي هما السبب في حالتي النفسية السيئة

مرحبا .. انا شب عمري ٢٠ سنة و صرلي سنة تقريبا بالجامعة عم ادرس .. وعايش بالمانيا من ٣ سنين ومشكلتي اني لحالي .. ما عم اعرف كيف اتعرف على ناس ورفقات جداد .. انا هون غريب .. ووين ما روح بحس اني غريب الكل بيتطلع عليي، كل الوقت .. مع اني بني ادم طبيعي يعني .. الا شوي .. المشكلة مو بلغتي .. الحمد لله لغتي منيحة .. بس مشكلتي اني حاولت اتعرف على ناس كتير وبأغلب المحاولات كانت ردة الفعل سلبية .. فصار عندي خوف من اني حاكي حدا .. مو مشان شي .. بس لاني متأكد انو ازا ما عاملني باحترام وتجاوب معي لح عصب .. وبهدل وسب بجوز .. كل يوم عم يصير مشكلة بيني وبين حدا بالشارع .. وانا مليت من كتر المشاكل .. كل يوم .. ومن الوحدة .. بروح وبجي دايما لحالي .. وكل الطلاب صارت تعرفني انو انا بروح وبجي لحالي ما حدا حاول يتعرف عليي .. بس بنفس الوقت انا معروف بالجامعة .. الكل بيحكو عني .. مشكلتي بجوز اني صريح .. يعني مثلا بدي اتعرف على وحدة .. ما عاد عندي الصبر اتعرف عليها شوي شوي مشان بعد شهر مثلا قلها انو عاجبتني وتقلي لا .. هون اكيد لح عصب .. لاني ضوعت وقت بشي انا ما كان لازم ضيع وقتي فيه وبنفس الوقت ازا رحت لعند حدا وقلتلو من الاول هيك هيك .. لح يقول لأ لانو بحياتو يمكن ما حدا حاكاه هيك .. صاير عم احسب كل شي الناس عم تساويه .. وكل شي عم ينحكى بالشارع .. ونظرات او ايا شي فبدي بس انو اطلع من هالمشكلة .. المشكلة اني ما عم اقدر حاول .. لانو بعد كل محاولة فاشلة عم تزداد نفسيتي سوء يستر عأختكن حلوها ازا بتنحل