ابنتي تضعني في موقف محرج بسبب عزلتها

بنتى عمرها 17 عام على طول فى مشاكل انا وهى بسبب تصرفاتها عشنا فترة طويلة فى الخليج وبطبيعة الحال كنا عايشين لوحدنا مفيش معارف ولا أصحاب الا فى أضيق الحدود كانت كل حياتها فى الغربه الدراسة والرسم وطول اليوم على الانترنت بتكلم اصحابها او بتتفرج على مسلسلات وأفلام أجنبى ولما رجعنا مصر كانت المشكلة احنا ساكنين فى بيت عيله بقت المشكلة الاجتماع مع العيلة هى بتحب الوحدة ومش بتحب الاجتماعات العائليه ولو غصبت عليها تلاقيها اسلوبها اتغير وطريقة كلامها مع الناس ودى حاجه بتحرجنى جدا كلمتها كذا مرة وفهمتها ان اسلوبها ده غلط وعيب وهى مش بتتعلم حتى لما يكون قرايبها من البنات اللى قريبين من سنها موجودين تبقى قاعدة منعزله عنهم ومش بتتكلم معاهم بصراحه غلبت معاها ومش عارفه اتصرف ازاى