تخليت عن حلمي بالإنجاب مرة أخرى لخوفي من العمليات

السلام عليكم ..مشكلتي بأختصار انني متزوجه من 3 سنوات وعندي بنت صار عمرها سنه..مشكلتي بلشت من يوم ولادتي لبنتي ..ذقت الموت كان يجيني طلق مده اسبوع وما اولد وكان يجيني مع الطلق كريزات مراره وانا مو عرفانه لما اذهب للمشفى يقولولي لسا بكير وانا عم اطلق وعم شوف الموت ..رحت بعد اسبوع عأساس لأولد ويقلولي لسا رحمك مافتح ..فقررت انو اولد بعمليه قيصريه وكان بدي انتظر لتاني يوم تحملت وانتظرت ﻷجت الدكتوره وصار دوري ودخلت العمليات وولدت بعد مرار كثير من تأثير البنج وكنت ع وشك اﻷختناق ووجع العمليه والحمدالله ولدت واتباين مع الدكتوره انو كان لازم اولد قيصريه من زمان ﻷنو اجا راس بنتي ماشالله كبير..ومن بعدها صارت تجيني كريزات مراره والدكتور قلي احتاج عمليه صرت ابكي وماعملتها ولحد اليوم الدكتور عم يقلي لازم نعمل عمليه وانا بصراحه خايفه كتير ورافضه اعملها كرهانه العمليات مع انو ضروريه وكرهانه اني احبل واولد ياربي سامحني مابحب حدا بدعيلي انو احبل وجيب صبي ﻷنو تعقدت كتير لدرجه قررت ماعاد احبل بعرف هالشي حرام بس والله مو بأيدي صرت هلوس بالعمليات وماظنيت اني بعد انسا او اشتهي الولد حتى لو كبرت بنتي