مطلقة أهتم بنفسي فأصبحت مكان شك!

مطلقة اهتم بنفسي فاصبحت مكان شك! عمري 35 سنة مطلقة من 5 سنوات وتزوجت لمدة 7 سنوات خلال زواجي وبعد طلاقي باربع سنين ما كنت اهتم بحالي لبسي ومكياجي فجاة من سنة وبدون اسباب حسيت اني لازم اهتم بحالي لحالي صرت لما اشوف حالي حلوة انبسط وتزيد ثقتي بنفسي هالشي خلاني محل شك اهلي قبل الناس التانين كل ما تشوفني صديقة او قريبة شو القصة ليش هالاهتمام مشان مين ؟؟ وانا يعلم الله انه ما في حد بس كل الفكرة فجاة حسيت اني بحب حالي وبدي انتبه عليها واشوف حالي حلوة لا حد قادر يستوعب يمكن انا المسؤولة لاني بالاساس ما كنت ادير بالي ع حالي ... بس كلنا بنتغير وانا تغيرت زيي زي الكل ... ليش ما في حد متقبل تغيري ؟ اضلني مصرة على وضعي واتحمل الحكي والا ارجع زي ما كنت انسانه ما في عندها لا طاقة ولا تفاؤل