خطيبي هرب وتركني بعد أن ضغط عليه والدي ليتمم اجراءات الخطوبة

السلام عليكم انا عندي 27 سنة مطلقة بعد 3شهور زواج بدون اولاد ،من سنة كلمتني زميلة لي بعملي ان هناك شخص معجب بي يريد ان يتقدم لي و هو اكبر مني ب14سنة و مطلق و معه بنت عايشة مع والدتها فوافقت بدون اي كلام معه فجاء البيت واهله وطلبوني فوافق ابي و قال لهم نتفق علي الخطوبة فقال هو نعمل قراية فتحة و تعارف خطوبة لا، وطلب رقمي من ابي لكي يكلمني ويتعرف عليا، فرفض ابي قبل الخطوبة ورفض قراية الفتحة بدون اتفاق علي امور الزواج و اتفاقيات الزواج المعروفة، المهم فضل يتحايل علي بابا لحد ما وافق واتكلمنا في التليفون و جاء ليزورني بالبيت كل هذا لمدة 8شهور ، كان طول الوقت يشعرني بسعادته معي واني فيا كل اللي بيتمناه، المهم ابي اتصل بهوطلب منه ان يراه و يتكلم معه فقال له حاضر ان شاء الله بعد ما اجي من السفر هاجي ، المهم لم يتصل بابي بعد ما جاء ليحدد ميعاد او اي شئ، فطلبه ابي مرة اخري فلم يرد عليه لمدة ايام، فغضب ابي و قال انه يتجاهله و لم يعتبره،فاتصلت انا عليه و عرفته الموضوع كي يصلح الوضع فقال لي انا مش هعمل خطوبة دلوقتي وده كان كلامي من الاول وانا لسة مش حاسس بمشاعر ناحيتك وعايز وقت اطول ،مع انه كان بيحسسني انه في مشاعر منه ناحيتي كتيير غير كلامه فجاءة ،بابا بيقول اول ما دخلنا في الجد خلع، المهم قالي في اخر المكالمة انه هيكلمني لما يوصل البيت لانه كان بالعملو قالي هيكلم بابا و هيجي يقعد معاه ونطول مدة تعارفنا، المهم ولا اتصل بيا ولا بابا لمدة 4ايام فاتصل ابي باخوه وقاله مفيش نصيب. وخلص الموضوع علي كدة، انا متضايقة و مصدومة فيه انه اتهرب و مواجهش بابا و معملش حاجة يثبتلي انه عايزني و غير كلامه ناحيتي، انا مش عارفة ليه عمل فيا كدة مع انه اتقدملي قبل كدة مرة و رفضناه و اصر بعدها بفترة واتقدم تاني وقبلناه اخرتها يعمل كدة،ساعدوني اخرج من ضيقي انا تعبانة نفسيا اوي ،ادعولي ارجوكم.