الجميع ينفر مني بسبب انطوائيتي، فما الحل؟

السلاام عليكم، ارجو من المختصين الجواب والمساعده، انا مشكلتي اني ما بعرف شو المشكله، يمكن المزاجيه الي فيني مخلياني اصل مخربطه، هسا انا شخصيه انفجاريه بعصب ع اتفه الأمور وبروق ع امور كبيره، تاني مشكله وهي اهم عندي اني ما عندي جي علاقات بلمره مع اني بحاول كتير احكي مع الناس ومرات اي حد بيحكي معي بلاقي اختفى مع انو بكون مستمع ومرات بسال بس بحس اسالتي تافهه او رده فعلي مزوداها، والمشكله انو كمان بدي امشي الناس عمزاجيتي ، مثلا عندي جاره كل يومين بروح عندها، فجاه بتلاقيني قطعتها هيك من غير سبب ومرات السبب اني قطعتها عشان مره حكت عن صديقتها المقربه انها مو نظيفه وما بتعرف تهتم بامور بيتها وانا لما اسمعت هيك حكيت مع نفسي ازا بتحكي عن صديقتها هيك شو رح تحكي عني وطبعا اي شخص بطلع فيه صفات سيئه وبقطعو، وما حد رح يصدقني ازا حكيت صرلي اربع سنين متزوجه ما حد فات بيتي ولااا حد حتى الجاره هاد فاتت مره وانا ما عزمتها، وكتير بتعلق اني منطويه، وبطلت تسال فيني وانا بصراحه كرهانه حالي لاني بغربه واهم تشي العلاقات، بس عشني اتعودت اضل لحالي بطلت حتى احاول!؟ ممكن تحكو لي شو مشكلتي لاني تايهه للعلم انا متزوجه ولدي طفلين وعمري 28