كنت أنتظر هذا اليوم بفارغ الصبر لكنه كسر كل شيء جميل بداخلي

محتاجة اتكلم محتاجة احكى محتاجة اصرخ انا مات جوايا حاجاات مكنتش اتخيل انها تموت كبيت مره واحده فى حياتى الانسان داه حاليا خطيبى انا ليا تعامل مع الشباب بس فى اطار زمالة ودراسه وبس اتعرفت عليه فى اولى ثانوى كان شاب فى قمة الوسامه عيون خضراء وشعر بنى لامع وابيض وعضلات كان كل البنات معجبة بيه بس انا انجذابى ليه كان مختلف حبيت روحه شخصيته جدعنته وحنيته اتعاملنا كازملاء دراسه لغاية ٣ ثانوى راح اتكلم مع ماما وقالها انه بيحبنى ماما شجعته ان يهتم اكتر بدراسته وقالتله حطها هدف قدامك ولما تحقق دراستك بنتى ليك هو دلوقتى مهندس بترول وكلامنا وقتها كان رسمى كنا قريين الفتحه والخطوبة اتأجلت اكتر من مره لظروف معينه كنا عايشين اجمل قصه حبه انا لما اعترفلى انه بيحبنى مكنتش مصدقه كنت مفكراه بيتسلى لانه قالى انا معجب بيكى بعد شهرين تعارف وللحق داه مش السبب الاساسى السبب هو ان انا عادية جدا ملامحى بسيطه وقمحيه بس رشيقه عمرى ما كنت اتخيل شاب زيه يعجب بواحده عادية كدا حتى لما موضوعنا اتعرف مكنش حد مصدق ان فتى اخلام بنات دفعتى يعجب بيا انا حتى صحبتى المقربة كان لما يبص عليا وهى بتكون معايا كانت تفضل تقولى شفتى بيبصلى ازاى مره برد بهزار قلتلها لا اكيد بيبصلى انا ردت جد جدا قالت ويبصلك ليه يعنى سكت وانحرجت انا اخواتى كلهم وارثين البياض من بابا ووارثين العيون الزرقاء من خالى الا انا واخده ملامح جدتى ام بابا لدرجة ان كنت لما اروح فرح مع ماما كانوا الناس يفضلوا يقولوا لماما يعنى اولادك كلهم جمال الا البنت دى كنت بنجرح اوى وبقيت اخاف احط نفسى مقارنه مع حد لغاية ما اقتنعت انى مش جميلة بس هو غيرلى كل حياتى من اول ما دخل فيها عمره ما قالى حاجة غير كل الكلام الحلو مكنش بينادينى غير يا حلوتى او قمرتى ادانى ثقه فى نفسى كبيرة وحبه ليا كان بطريقه مختلفه غيرته عليا واحتوائه ليا كان بيفهمنى من نظرة عين لما كنا نتخانق كان يكلمنى قبل ما ينام يقولى انا عايز انام ومش عارف انام واحنا متخانقين وفى يوم وليله خاد كل حاجة منى حبيبى ليه زميلة فى الجامعه علاقتهم قوية ببعض المهم اتبعتلى رسايل من اكونت وهمى رسايل ان انا غبيه وفتحى عنيكى مكنتش مهتميه لغاية ما اتبعتلى صورة لرسايل حبيبى والبنت دى انهارت انهيار تام مش عارفه ازاى خانى وارتبط ببنت فى الوقت داه اصلا كنا بنختار الفندق للخطوبة علاقتنا كانت حلوه مكنش فيه اى زعل بس كان باين اخر شهر انه مشغول طلع كان الفترة دى مشغول معاها لمدة شهر الشهر اللى اتغير فيه سيبته ورفضت اى صلح بنا هو كان ندمان وكلم ماما وبابا واخواتى كلهم واهله كانوا بيتوسلوا ليا عشان نرجع لغاية وفاة جدته دى كانت اكتر انسانه هو متعلق بيها وانا بردة كنت بحبها روحت وعزيت انا واهلى وهو كان نفسيته وحشه اتكلمت معاه اصبره ورجع تانى تواصل بنا بس بسيط لغاية ما جيه البيت لينا واعتذر وقالى حياتى مدمرة فى غيابك وافقت نرجع وعملنا خطوبة كبيرة زى ما كنت بحلم بس فرحتى انطفت جوايا بعد نظرات عيون كل واحده وهى بتتكلم علينا فى الخطوبة ان هو خانى وان رجعتله احنا انفصلنا ٣ شهور ومخطوبين بقالنا ٦ شهور ونص بس مش حاسه ان كويسه فى العلاقه دى بقيت كل ما اخرج اشوف نظرلات الناس ليا منهم صعبانه عليهم عشان رجعتله ومنهم مستكترينه عليا عشان مش جميله محتاجه مساعده ارجوكم وياريت محدش يغلط فيه هو انسان كويس جدا