أعذب نفسي لكي أحقق ما أريد

السلام عليكم ورحمة الله وبركاته حبذا اتكلم بالموضوع مباشرة , انا متعودة انتف شعر راسي إذا كنت مستغرقة بالتفكير بشكل عميق خاصة وان كان التفكير يتطلب عمق وإتساع مثل المواد الرياضية والبرمجة ما احس بالراحة ولا اتلذذ بالنتف ولكن يمكن هالشيء او الالم الي يسببه النتف يخفف التعب النفسي الي أمر فيه وقتها ... تطور الأمر وصرت انتف شعري وأنا في قاعة الاختبار. موبس لما اجي اذاكر ... الامر تطور بعد ذلك لتعذيب نفسي بالضرب والتقريص وتراودني فكرة اني اجيب نار واحرق جزء من نفسي لعلها تبرد النار الي جواي واتمنى اعذب نفسي بطريقة مؤلمة اكثر للاسف لان دراستي تتطلب الاعتكاف على الكتب ومرات مايمدي الوقت .. وماعندي وقت اريح نفسي. بس داخليًا رافض يذاكر. فاجبر نفسي أذاكر واخذ وقت طويل جدًا يعني عادي جدًا مادة اجلس فيها 10 ساعات بينما في الحقيقة يتطلب لها ساعة تركيز واحدة, التركيز بالنسبة لي صعب احصله بشكل يومي. يعني مرات اذاكر 10 الى 15 ساعة. ومن بكرة احس نفسي طابت جدًا من الدراسة. علمًا اني ما أبالغ ودراستي فعلًا تتطلب جهد جهيد ولا امتلك فطانه او ذكاء حاد يساعدني غير الاجتهاد .. مرات تصل الى البكاء المرير وانا اذاكر ... اعترف ان دراستي عذبتني نفسيًا وجسديًا .. لكن الامر وصل للتعذيب ويبدوا لي ان الوضع لو صار بيعجبني وبستمر اسويه. عندي هدف وهو تحصيل درجة عالية وتبعات هالشيء الاعتكاف مثل ماذكرت + انعزلت تمامًا عن العالم من البيت للجامعة والعكس. لكن مع ذلك حاسه ان اقل زميلاتي قدره .. ما اشوف اي نتيجة للي اسويه. رغم انه اكسبني عادات سيئة وممكن وسواس. مالحل؟ ودعواتكم ان الله يربط على قلبي ويصبرني شكرًا