كل شيئ بحياتي خسرته بالتدريج، فما الحل؟

انا بنت وحيدة وعشت طول عمري وحيدة .. خسرت كل شي بالتدريج اول شي توفى بابا وانا بعمر صغير ... بعدين خسرت حلم حياتي وطموحي بدراسة معينة لاجل عشر بالمعدل ... دخلت الجامعة وحبيت انسان من ٨ سنين لكن هو علقني فيه وراح حاولت كتير احافظ ع حبي اله بس عالفاضي تقريبا ٥ سنين من المحاولات بس بعدني بحبه.. بعدها تزوجت .. زوجي اكتر انسان ما بعرف شو يعني اهتمام وانا من الاشخاص اللي بحييهم الاهتمام وبقتلهم الاهمال ... بالبداية كنت احبه لكن هلا النا ٣ سنين متزوجين بس ما في بقلبي اي ذرة حب اتجاهه من الاهمال مع انه بعرف يهتم باهله واخوانه اما انا لا صفر عالشمال .. حاسة حالي عندي اكتئاب صرت اكره حالي واكره اللي حواليي لدرجة وصلت اني اكره بنتي اللي لسا عمرها سنة ... ما حدا بحبني مع اني طيبة وبعمل للكل قد ما بقدر وزيادة لكن رب العالمين مو كاتبلي السعادة ابدا لا مع زوج ولا مجتمع ولا شي .. انا كل يوم ببكي حاسة عمري ٩٠ سنة مو ٢٥ .. تعبت كتيييير