خجلي يظهرني دائماً بمظهر التائهة

االسلام عليكم انا هقولكم علي مشكلتي واتمني الاخصائيين يساعدوني انا بشتغل مدرسه انا خجوله اوي بطبعي وبمعني اصح معنديش ثقه في نفسي ف عشان اداري دا بظهر دايما بمظهر التايهه كل اللي يشوفني يقولي انتي تايهه كدا ليه انا عادي دا تاعبني اه بس اللي تاعبني اكتر اني ليه مش واثقه ف نفسي وانا ماشيه وانا بعمل اي حاجه بيتهيقلي دائما دايما أن الكل بيبصلي عارفين انا عارفه مشكلتي اهو دا معناه نص العلاج بس انا بجد مش قادرة اعالج نفسي انا بحب اقلل من نفسي واتريق علي نفسي وحاجات كتير من دي ما برتحش الا كدا انا مبصدقش اني كويسه وبشرح كويس وإني مدرسه وحاجات كتير اوي انا تعبانه اوي لاني مش عارفه اعالج نفسي مش زعلانه من االحاجات اللي عندي زي ما زعلانه اني مش عارفه اعالج نفسي ولا اتغير