الوسواس القهري في الوضوء

<p><strong>السلام عليكم<br />مشكلتي الوسواس القهري في الوضوء والصلاه قاعده اعااني معه جددا<br />حاولت اني مالتفت له ولا أعطيه اهتمام بس ماقدرت</strong></p><p>أحسه قاعد يزعجني بالافكار<br />واهم مشكلتين هي التكبير بالصلاه يعني لما أكون أبغى اصلي وافرش السجادة لازم اقعد عشر دقايق او ربع ساعه قبل ما اكبر للصلاه احس ما اقدر اكبر على طول مدري ليش احس بخوف لما ببدأ اكبر احس يدي ثقيله وإذا قلت اني بكبر بسرعه ولا علي من الوسواس اللي برأسي يعني اذا كبرت ع طول لازم اقطع صلاتي احس اني قطعتها<br />طبعا هذي المشكله لما ببدأ بالصلاه ايضا المشكله نفس الشي لما ببدأ بالوضوء لما ابي أتوضا لازم اقعد عشر دقايق الى ربع ساعه وأحيانا اكثر عشان ابدا بالوضوء ( مشكلتي هي ببداية الحاجه ) والمشكله الثانيه هي النيه اذا بصلي لازم اقول بقلبي اني بصلي فرض العصر مثلا ، وأحس مخي قاعد يقول لا انتي تصلين المغرب وهكذا .. وهذا ايضا يأخرني في بدايه الصلاه لانه لازم استحضر النيه وأعيد وأزيد فيها احاول اني ما اهتم للنية لاني عارفه انه النيه هي العزم على فعل الشي لكن مقدر مشكله مخي هي الاستجابة احس لما اسوي حاجه مثل لما أكون اثناء الصلاه احس يقول انك قطعتي النيه وأحيانا أستجيب له وفعلا لازم اعيد من جديد صلاتي فلما أكون اصلي واسمع شي مثل احد سكر الباب او سمع صوت ببطني ع طول مخي يقطع النيه وبالتالي اقطع الصلاه وأخيرا اتمني حل والله تعبت نفسيا ودي اروح دكتور نفسي بس ما اقدر ظروفي ماتسمح ، احس بالهم لا يعلمه الا الله لدرجه احيانا اذا كنت بطلع ما اطلع من البيت الا بعد صلاه العشاء لانه مابي احد يشوفني وانا اصلي بيضحك على حالي :( حتى الجمعات بأقاربي ماصرت استأنس معهم عكس اول احس الحين مافيه شي يونسني زي اول الله يخليكم ساعدوني</p>