نظرات كل من حولي توحي لي بأني إنسانه معقدة

ا جماعه معلش عاوزه اخد رايكوا فى حاجه انا عندى 20 ولسه بدرس هو انا بشوف نفسي عاديه مش حلوه اوى بس انا زهقت من نظرات الناس ليه حتى كلامى صحابي ليا كلهم بيقولولى انى معقده ومش هتجوز وانى اوفر اوى ومفيش بنى ادم طبيعى كدا لانى رافضه فكره انى اتكلم مع اى ولد حتى لو اصحاب عادى كلهم بيقولوا بالمنظر ده عمر ما حد هيحاول حتى يتعرف عليكى لانك بتصدى اى حد وانى لازم اجرب الحب عشان ابقي اعرف اختار شريك حياتى صح ولان هما كلهم مصاحبين وعادى انا بحس نفسي انا اللى غلط وانى انا اللى غريبه وبحس حتى فى بصات الولاد ليا انى معقده وانى قديمه ومش زيهم مع انى والله بعمل كدا عشان ارضى ربنا مش اكتر بس كلوا بقي يجى عليا اوى وحتى الولاد بتخاف منى وبيتجهلونى تمامآ هل انا فعلا لازم اتغير ولا انا صح وهل فعلا عمر ما فى ولد هيبصلى لان انا فعلا لحد دلوقتى عمر مافى ولد حتى اعجب بيا ودى حاجه بتخلينى احس ان كلامهم ليا صح وهل انا وحشه عشان مش منفتحه وبكلم الولاد وانى مش هعرف اختار صح ادام مصحبتش قبل كدا وياريت تردوا عليا بصراحه