الخوف والقلق من المستقبل يسيطرون علي، فما الحل؟

السلام عليكم انا تعبت من حياتى كلها ونفسي افرح تعبت نفسيا وديما قلقانه وخايفه وزهقانه وعلى طول صداع الصداع دا تعبنى بجد فرحى كمان 4 شهور مش عارفه افرح خالص حتى وانا بجيب جهزى مش حاسه انى فرحانه الخوف والقلق مسيطر عليا وحاسه ان الشيطان مسيطر عليا وعلى تفكيرى لدرجه انى بقيت بصدع من كتر التفكير فى المستقبل والخوف منه حاسه انى مش عايشه وديما احلامى كلها وحشه انا تعبت بجد ومش عارفه اقرب من ربنا حاسه ان فى حاجه بتمنعنى واكتر حاجه تعبانى الصداع بقيت بحب اقعد لوحدى بقيت بخاف من وشوش الناس كلها خايفه من كل حاجه لدرجه انى بخاف من نفسي لما ابص فى المرايه احس ان مش انا وبشوف خيالات سودا قدامى مرة على شكل قطه ومرة كلب ساعات بحس انى مش طبيعيه ودايما حاسه انى مريضه مرض وحش ربنا يعافينا جميعا عذرا على الاطاله وشكرا