الجميع يحسدني على قوتي ولا يعلموا أني أبكي في وحدتي

السلام عليكم .. انا فتاة عمري 23 سنة كان عندي حظ بيفلق الصخر مع الايام كل ما اكبر سنة كل ما اكتشف انو حظي عم يقل وحزني عم يزيد ما في شي عم يظبط معي لا بمدرسي ولا بشي من انا و صغيرة كانو كل الناس يخففولي من ثقتي بنفسي وما يحبو كون احسن منن كنت جيب علامات عالية بس بعدين صرت كل صف عيدو مرتين لحد ما قررت ادرس محاسبة حتى المحاسبة ضل عندي سنة وما كنت اعرف انجح صرت عايدتا ٤ مرات بفسيتي بالارض لا عم اتوفق برفقة ولا بحبيب ولا بخي ولا باخت ولا باهل لا هني عم يفهموني ولا انا قادرة افهمن بضلو يتمسخروا عليي اني ما عم انجح بشي بحياتي صرت عاملة كذا اختصاص ومتل قلتو وهالشي عم يخليني زيد بعصبيتي اقاربي عيونن عليي بيحسدوني عا كل شي مع انو ما عندي لي عندن يا هنني و بضل قول الحمدلله كنت مرتبطة بانسان من ورا الحسد والنق والغيرة بوت تلبيس المحابس انفصلنا نفسيتي تعباني بضل عيط وصرخ وابكي هيك بلا سبب بحب ضل لحالي بس ما عم يكون في مجال اقعد لحالي كتير كلن بيذعجوني حتى في اشخاص بتكون معي لفترة محددة بعدين بتفل اكيد رح تقولو ممكن من تصرفاتك بس والله اني اطيب من قلبي ما في وبساعد الكل بس لما بدي مساعدة حدا كلو بيتخلى عني حابة ابعد عن كل الناس قلبي عم يوجعني بس كمان ما عندي الصلاحية فل .. بضل فكر بالانتحار كلن بيحسدوني عالقوة لعندي لاني ما بفرجيهن ضعفي ببكي وبتوجع لحالي عندي ال ليل صديقي وما بوثق بغيروا لا بوثق باهل ولا باخوة ولا باصدقاء ولا بحبيب.. خبروني عن الحل