حكم الناس على تصرفاتي يدخلني في دوامه مع نفسي

مرحبا ... بصراحه ما ادري إيش مشكلتي بالضبط لكن بقول كل الي بقلبي انا بنت عمري ٢٤ سنه ظاهري الفرفشه والوناسه والضحك يعني للناس الثانيه انا غير ناضجه تصرفاتي تصرفات بنت مراهقه اتعامل مع الأمور بالضحك والمزح عندي خجل وما اتعامل مع الناس الغريبه والأمور الجديه ارتبك معها المسئوليه اتهرب منها لكن إذا وقعت ع عاتقي اتحملها كامله احس بالناس وأبديهم ع نفسي ما آحب احرجهم او اجرحهم إذا واجهتني مشكله للأسف اتهرب منها ما اوجها اخاف يجيني مغص وشهيتي تنعدم حموضه احس بستفرغ احل مشاكلي بالهرب والنوم ما اثق بأحد واموري احساسي مشاعري ما اعلم بها احد بيني وبين نفسي ممكن اتكلم معهم بشي وداخلي شي اخر ،، بيني وبين نفسي اقدر اتكلم وافكر واخطط بشكل طبيعي حتى انا استغرب من نفسي لكن نجي للواقع ما اقدر اشرح لهم ولا اقدر اركب جملتين ع بعض النقاش والصراع اكرههه ولا ادخل فيه والله ابي اتناقش معهم واطرح افكاري لكن للأسف ما اقدر ... بعد انا متسرعه بأفعالي وكلامي واندم للآسف لكن ما اتوب بعد انا ملوله بشكل مو طبيعي اتحمس لشي واخطط له وانجز كل ما يتعلق به فجاءه نفسي تعوفه واتركه وابداء بشي ثاني وع نفس الموال ليه كذا ؟! ع فكره احب اقراء واطلع في مجالات كثيره تحسنت عن قبل بأشياء والحمد الله .. بنسبه لوضعي انو انا غير ناضجه وانسانه تعيش لحظتها وما افكر بالحياه بشكل جدي ترى عادي الوضع عندي لكن تفكير الناس عني هو الي ازعجني اسفه ع الأطاله وشرحي مدري إذا بيوصل لكم شي مفيد الزبده ارتحت نوعاً ما بكتابتي لكم