هل وجود حبيب في حياتي سيريحني ؟

انا مش عارفه شو مالي اشعر بأنه يوجد بداخلي كلام كثيييير يجب ان اقوله لأحد ولكنني غير قادره على ذلك لا أعرف لماذا بس كتيير صعب اني اطلع الي جواتي و بنفس الوقت كتيير امدايقني وجود هاد الحكي بقلبي ، اليوم فجأه حجزت موعد عند دكتوره نفسيه و رحت عندها بس ما اقدرت احكيلها اشي و بالعكس نفسيتي ساءت اكتر بعد ما رحت ، ما بعرف ليش بس كتيير حاسه بالوحده جد شعور الوحده بقتل و بحس حالي جسد بلا وعي يعني عقلي مش معي حاسه حالي نايمه و عايشه ما بعرف كيف ، مو عارفه شو بدي من الحياه حتى تخصصي بالجامعه مش متأكده منه ، مره بكون حاببته و مره لأ ، جد كتيير اتعبت من العيش بدون هدف . دائما بتخيل حالي بحكي الي بقلبي لشب غريب ، نفسي حدا يضل وراي عبين ما اقدر احكيله كل اشي و يكون جد مهتم ، بس ما في حدا مهتم هون المشكله ، انا علاقتي مع الناس الي بعرفهم سطحيه و رسميه فا ممكن تعتبرو انو ما الي حدا بوثق فيه بهاي الدنيا و هاد الاشي تعّبني . انا حابه حدا يتعرف علي بنيّة منيحه و بدون تلاعب ، ما بعرف ليش بس هل ممكن اكون بدي حب بحياتي عشان ارتاح ؟؟، دائما ازا بدي اهدّي حالي بتخيل انو عندي حبيب بس طبعا بالحلال انو خطيبي او هيك ، فا يا رب الله يبعتلي ابن الحلال اذا كان الي نصيب او هل هذا تفكير ساذج و خاطئ ؟؟