ما زلت اعيش على ذكرى زوجتي المرحومة

السلام عليكم عمري 35 سنة توفت زوجتي رحمة الله عليها ثالث سنة من زواجنا لها الان خمس سنوات بالضبط كنت رافض الزواج بغيرها لاني حبيتها كثير مع ان ما كان بيننا علاقه سابقه تزوجنا زواج تقليدي ولكن تعلقت فيها تزوجت بأصرار شديد من الوالدة ولانها ما تبي اعيش عالماضي والوحدة والتفكير وقلت اشتري رضاها واتزوج المشكلة اني مو قادر اتأقلم معها ولا قادر انسى زوجتي المرحومه ما قربت منها الا مره واكثر الايام انام برا الغرفة واحيان اغلط واناديها بأسم المرحومه مرات الاحظ في وجهها الانزعاج ومرات تسوي نفسها ما سمعت متحملتني كثير وانا والله العظيم اني حاس فيها واكثر من مره اخذ عهد ع نفسي واقول بتغير معها لكن ماني قادر حاولت كثير وهي عمرها ما شكت لاهلها ولا اهلي وبالعكس تعاملها معي جدا محترم وهالشئ هو اللي مخليني احاول كله مره اني اكون لها زوج حقيقي ما ادري هل انفصل عنها لسى هي صغيره ويمكن تلاقي شخص يصونها ويعرف قيمتها او حل يغيرني كليا ويشيل البرود اللي ساكن فيني ؟