اهلي و خطيبي سبب في مشاكلي النفسية!

انا بنت عمري ٢٣ سنة متخرجة من الجامعه السنة دي .. بالمختصر انا اتغيرت حياتي بعد ماحبيت ناس وخلوني افقد الثقه في كل الناس وماعاد اكلم احد وسرت اخاف حتى اتعرف على احد .. كتومة عالاخر ودا الشي سببلي امراض كتير من ضمنها القولون العصبي .. اهلي وخطيبي سبب رئيسي في مشاكلي النفسيه والمشكلة يعرفو اني تعبانه ومايهم عادي يسوو مشاكل وانا اموت انحرق مو مهم وكل شويا يقولولي انتي نفسية !! .. بابا الله يخليه ليا هو الوحيد اللي حاسس بكل شي فيا ويساعدني وواقف معايا .. مع العلم اهلي مااتغيرو كدا الا بعد مااخويا اللي انا كنت مرا احبو من بين اخواني الخمسه وكان يحبني مرا ويعملي كل شي عشاني البنت الوحيدة بس بمجرد مااتزوج وحدة كان يحبها غيرت حياتو وحياتنا كلنا وعشان انا مااحبها ولا ابغاها قلبت اخويا وامي عليا .. وانا الان كل يوم تعبانه بألم بطني مااقدر اكل ولا انام ولا اخرج حتى زي الناس والعالم .. الحمدلله .. انا ماابغا غير شي واحد بس اني ابعد عنهم كلهم واكون لوحدي في مكان تاني اقدر استرجع فيه نفسي وحياتي فترة نقاهة ترجعلي نفسي اللي ماسرت احس فيها .. الادوية تعبتني ومحد حاسس بألامي .. كيف ممكن اقدر ارجع نفسي وحياتي كيف اسير مااحس عشان لا اتعب واخد ادوية .. ابغا الكل يبعد عني وابعد عنهم يمكن يحنو ويشتاقولي يمكن يحسو .. حاولت اغير نفسي ماقدرت فشلت كل محاولاتي ممكن تزبط يوم واحد بس بعدين يرجع كل شي اسواء من قبل .. اذا تقدرو تفكرو وتحلوها معايا اتمنى هذا الشي .. وشكرا