لا اريد ان انهي حياتي بهذا الشكل ساعدوني

Question

مرحبا انا بنت عمري 19 سنة و حاسه اني بدي اخلص من هل دنيا كلها مرات كتير بفكر بالانتحار و مرات بدي اهرب و اعيش حياتي من انا و صغيرة ما كان عندي حريتي و هاد الاشي طبيعي لمجتمعنا بس هلأ انا عمري 19 سنة و ما دخلت جامعة لسه و ما بعيش حياتي يمكن كل شهرين او تلات لحتى اطلع من البيت مرة و هاد مع اهلي و انا هاد الاشي عم بخنقني انا ما بدي اطلع و اصيع بس بنت بعمري مش لازم يكون كل همهها تفكر تتجوز او كيف تطبخ انا بس حابه اشوف حياتي عشان اعمل يلي بحبه و من دون ما اغضب الله اكيد للأسف كل ما بطرح فكرة على اهلي برفضو و انا عنجد حابه اشتغل اي شي و اجيب مصروفي لحالي و اطلع مع صحباتي مع انه هاي من اقل حقوقي و لكن ما عم بسمحولي و كل يوم انا بالبيت و هاد الاشي مو كتير مزعج و لكن تصرفهم معي بدايقني لاني انا بنت بحسسوني اني عالة عليهم مع اني بقدر اشتغل و حابه اكمل دراستي و اخر فترة صرت عم بفكر اتجوز اي واحد بتقدملي لحتى اخلص من هل حياة و عنجد بفكر بالانتحار و اخر فترة بطلت تفرق معي الامور و بطلت احس باشي غير بالكئابة و بتمنى تساعدوني لاني مش حابه تخلص حياتي هيك

المدرب ماهر سلامة · Accepted Answer

سيدتي لما لم تدخلي جامعة كلية مركز حرف يدوية أي شيء ينمى مواهبك هذه طريق النمو في الحياة وتوسيع آفاق الحياة أنت من استسلمت لهذه الحياة وما عليك إلا تاسعي لتغيير مسار حياتك نحو حياة أكثر نشاطا ومعنى كوني مبادرة نشطة لتغيير حياتك واقرأي عن هذا الموضوع على النت كيف أغير حياتي واقرأي قصص وروايات لاناس غيروا حياتهم نحو الاجمل أتمنى لك التوفيق الدائم

من مجهول · Answer

حرام على اهلك يمنعوك من تكملة دراستك بالجامعة ويعاملوك بالشكل ذا تكلم معهم وطالبي بحقك في مواصلة تعليمك حتى يوافقوا ولا اشركي احد من قرابتكم عمك اوخالك اوعمتك ممن لهم تاثير وكلمة مسموعة مع اهلك وان شاء الله يوافقوا على مواصلتك دراستك واياك والانتحار فهو قتل النفس التي حرم الله قتلها وصاحبها مخلد في النار ابعدي عن الافكار اامحرمة هدة وتفايلي بالخبر وربك بيفرجها عليك ويحنن قلب اهلك عليك وتحقق لك كل الامال والاحلام التي تتمنيها طوال عمرك

من مجهول · Answer

انا ايضا مررت بعدة لحظات صعبة تجاوزتها لكن الان لقد خسرت شخص كنت احبه كثير رغم انه متزوج و لديه اطفال لا يهمني بقدر ما يهمني ان اكون زوجته و ان اصبح ام ل اولاده وقع سوء تفاهم بينانا انا مرهقة كثير لدي امتحانات بعد شهر امتحان سيقرر مصير مستقبلي الى جانب الاحداث التي وقعت يقول لي انني خسرته انه اصبح يكرهني كيف لي ان يكون لي امل بعدما سمعت هذا كلام كيف سيثق في و يامنني على ابناءه و ابنتنا كلما اقول له شيء يصفني ب كاذبة و مراوغة لم يعد يثق بي كما في اول كان هو كل حياتي و مالي و رزقي انني ارى دنيا بيه لهذا بعدما فقدت انا ابحث عن طريقة لاتخلص من هذه الحياة كل شيء يؤلمني لم اعد اقوى على فعل شيء ما لا اجد نوم ولا اكل و لم تكن لي صديقاات في طفولتي و لا حتى الان ابي لا يفهمني امي اخوتي اصبحت وحيدة مع كم من الم و الحزن

من مجهول · Answer

حبيبتي اهم شي في عمرك هذا هو الدراسه ركزي على انك تدخلي الجامعه وتكملي تعليمك واذا اهلك رافضين حاولي بكل الوسائل تقنعيهم وسطي اعمامك واخوالك او يلي تشوفيه له كلمه واحترام عند اهلك فهميهم انك حابه تدرسي مو عشان بس تروحي وتجي لكن عشان تتعلمي وتكون عندك شهاه سلاح للمستقبل اهلك الله يحفظهم لك ما رح يدومو لك العمر كلو لازم يامنو عليكي انك ما رح تضيعي وقادره تشيلي نفسك من بعدهم لا تستسلمي وحتى لو تزوجتي اكمال دراستك لازم يكون شرط اساسي الله يوفقك

من مجهول · Answer

اكثري من الاستغفار واضبي على أذكار الصباح والمساء والذكر وقرأت القرآن

من مجهول · Answer

يا حبيبتي ما فيها شي اذا كان ممنوع عليكي الطلعة والفوتة كلنا مرينا بهالمرحلة وهيدا شي طبيعي بمجتمعنا بس ما بعتقد انه كل هالبنات حسوا مثلك هيك او زعلوا مثلك لساتك صغيرة واهلك خايفين عليكي وهيدا حقهم تصرفاتك وردة فعلك تجاه هالموضوع مش مقبولة بكرا بس تكبري وتوعي اكثر عالدنيا ويلي فيها رح تتشكريهم اهم شي تكملي تحصيلك العلمي لان من جهة بكون في شي معبيلك وقتك والفراغ يلي عم بتحسي فيه ومن ناحية ثانية بتكسبي وعي وثقافة اكثر وبتوسعي دائرة معارفك واجتماعياتك وبتطلعي من الحالة يلي انت فيها والشهادة سلاح بإيد البنت لمستقبلها ما تزعلي انه اهلك عم يعملوا فيكي هيك لان اهلك عم يحافظوا عليكي وهيدا شي مش غلط الدنيا يلي عايشين فيها صارت بتشبه الغابة وما حدا بيتأمنله والبنت بعمرك قد ما بتفتكر حالها واعية ومتربية مزبوط بس كلمة بتاخذها وكلمة بتجيبها لانها وخصوصا بعمرك بتنجر ورا عاطفتها اكثر من عقلها ومنشان هيك لازمها رقابة دائمة يلي انت فيه مش مصيبة ولا نهاية الدنيا احمدي ربك انه عندك اهل يخافوا عليكي في بنات هلا مستعدة تخدم تحت رجلين امها وابوها بس هم يكونوا عايشين انت عم تشكي من اهلك وبدك تخلصي منهم بكرا رح تندمي على كلامك هيدا روحي تعلمي وثقفي حالك واحملي مسؤولية مع اهلك حتى تعرفي انه الدني مش بس طلعات مع صاحباتي ولعب وضحك

من مجهول · Answer

انا شب ومريت بهيك تجربه انا عارف انو الموضوع صعب ومش سهل بس حاولي ان تجدي مساحة هدوء في داخلك ودخلي الجامعه لانها رايح تكون منفذ إلك لحياه احسن وصبري حتى تتحرري من قيودك ونتبهي ما يكون هاذ على حساب اهلك انا حاسس فيكي وعارف قديش تعبانه اصبري وخططي لحياتك بشكل صحيح

من مجهول · Answer

لاتفكري بالانتحار ولا هو الحل قدربما تواجهين مضايقات من اهلك بس في الاول والاخير هم يحبونك الزواج قسمه ونصيب ولازم تنتظرين لين يجي دورك فربما تاخير فيه خير لاتستعجلي قال تعالى فإن مع العسر يسرآ إن مع العسر يسرا الله يفرج همك وهم كل بنت

من مجهول · Answer

صديقتي حاولي تجدي حل مع اهلك بطرق مختلفه والزواج ليس الحل المناسب واما بالنسبة للشغل اشتغلي شغل في البيت خاص بكي و ممكن ان تخلي احد من افراد عائلتك ان يساعدك وهكذا مع مرور الوقت يصبح عندهم الوضع افضل من قبل

من مجهول · Answer

اهلك يحبونك اكثر مما تتوقعي وهكذا مجتمعنا وكل البنات مثلك اما التفكير باﻻنتحار ﻻ مبرر له انتي تريدين الزواج فاصبري

من مجهول · Answer

ياحبيبي كل بنت بتفكر زي تفكير انت في سن مراهقة ومن حقك تطلع واشوفي الحياه لكن اظاهر انو مجتمعك شوي معقد لذالك ادخلي كلية وشوفي التغير الي راح يصير يعني بعد كلية سبحان الله راح تصيرين تجنين وحياتك حلو وراح تطلعي و وتونسيين

من مجهول · Answer

يعني الانتحار رح يخلصك من العذاب مثلام يعني تضيعي حياتك فقط لانه ما بتخرجي من البيت يعني بامكانك ايجاد الف حل لمشكلتك غير التفكير بهذه الطريقة السلبية ابعدي افكار الشيطان من رأسك افضل لك

من مجهول · Answer

لا تكأبي نفسك ولا شيء بالعكس بامكانك انك تغيري جو من داخل المنزل من خلال قراءة الكتب و و تصفح الانترنت و ممكن انك تخلي صديقاتك يزوروك الى المنزل و تعرفيهم على اهلك و ممكن اهلك يسمحوا لهك انك تزوريهم في بيتهم

من مجهول · Answer

اذا تزوجتي اي شخص بيتقدم لك فهذا يعني انك ترمي نفسك للهلاك لانه ما بتعرفي اذا هذا الانسان فعلا بيستحقق ام هو انسان لا ييستحقك استهدي بالله و تقربي من اهلك و فهميهم بحاجتك الى نوع من التغيير في حياتك

من مجهول · Answer

مافيها شي لو اقنعتيهم بالعمل او اخذ دورة تدريبية مهنيه التجميل او الخياطة او صناعة الاطعمه ليست الجامعه هي كل شي خريجين كثر بدون عمل ولو وجدوا عمل فيكون براتب قليل 350 دينار بالوظائف المهنيه بتطلعي اضعافهم وانتي اكيد شايفه

من مجهول · Answer

لا تتزوجي من اول واحد يمكن يعيشك بجحيم اكثر من جحيم اهلك

من مجهول · Answer

انتي وضعك صعب لكن الانتحار مو حل لا تنسي انه في آخرة وفي جهنم للمنتحرين بدك مصروف خاص فيكي ابدأي تعلمي عن طريق النت كل المجالات تلاقيها بالنت تعلمي مهنة تتطلعي منها مصروفك فينك تعزمي رفقاتك يزورنك او تزوريهم ببيتهم

من مجهول · Answer

و انتي قلتيها اصبري لحد ما يجي النصيب المناسب لكي و تزوجي و عيشي حياة سعدية و كوني سيدة نفسك و انت الي تتحكمي في حياتك و رغباتك و غيره م الامور

من مجهول · Answer

انت يجب ان تطلعي من هذا السجن الي اهلك معيشينك فيه انت ليه ما تحاولي تخبري احد مناخوتك او عمامك او اخوالك و شوفي اذا ممكن يتواصتوا لكي عند اهلك و يقنعوهم انه يخففوا الخناق عنك

من مجهول · Answer

عمرك بحياتك ما تفكري انه الزواج مفر من اي شيء على الاقلية الظلم الي انت عايشتبه عايشتيه مع اهلك و مهما كبر او صغر الامر هذول اهلك و يخافون عليكي وو ما يأذونك اما لما ترتمي بنفسك على الغريب انت لا تعرفي خيره من شره و بدل ما يحل مشكلة يزيد الطين بلا

من مجهول · Answer

بنتي العزيزة انا اعرف انه مشكلتك في عينك كبيرة و انت منزعجة لن االه الي يشوف مصايب غيره من مرض من يتم من غيره تهون عليه مصيبته يعني انت ابحثي عن اي طريقة ممكن تقنع اهلك انهم يدرسوكي يشغلوكي يعطوكي القليل من الحرية

من مجهول · Answer

معاك حق ان تشعري بالكأبه والوحده ولكن ان لم يسمحو لك اهلك بالخروج من المنزل تعلمي من البيت اي موضوع تريدين تعلمه من الانترنت كثير من البنات تعمل من البيت وماشيه امورهم

لا اريد ان انهي حياتي بهذا الشكل ساعدوني

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

مقالات ذات صلة

علاج قشرة الشعر وأسباب ظهور القشرة

التكامل بين العمل والحياة

كيف تتخلص من اضطراب ما بعد الصدمة؟

علامات تدل على فشل وتعاسة حياتك الزوجية

نصف مصيبة... تلك التي أنجبت أنثى!

تغيير نمط وروتين الحياة للأفضل

اختبارات ذات صلة

اختبار الاكتئاب للمراهقين لكشف الحالة النفسية

أسئلة ذات صلة

مقالات ذات صلة

احدث مقالات قضايا نفسية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة قضايا نفسية

اسئلة من بلدك

احجز استشارة اونلاين

شارك في اخر الاختبارات

اختبار الشخصية التجنبية: هل أنت شخص انهزامي!

اختبار نوع الغيرة: اكتشف غيرتك من أي نوع!