اصبحت اشك بزوجتي طوال الوقت

انا زوجتى كانت بتحب واحد قبلى وهيا قالتلى كل حاجه عنه وانا سامختها واتجوزنا وبعد فتره من الزواج اكتشفت انها بتكلم واحد على مواقع التواصل الاجتماعى مش هوه حبيبها القديم ووقتها صارت مشكله بينا وانا اخدت منها التليفون واللاب ومنعت النت فتره كبيره وبعدين اتصالحنا وانا سامختها ورجعت لها التليفون والنت بس بقيت ارافب حسابها واشوف كلمت مين وكده وبعد سنه لقيت رسايل على تليفونها من حساب غريب وهيا كانت بترد عليها وسالتها عن الرسايل قالتلى صاحبتى ولما ضغطت عليها عرفت ان ده حبيبها القديم وهوه باعت لها رساله فى وفاه خالها وبعدين بدات تكلمه بالرسايل وبتقولى ان هيا مرضيتش تقولى عشان متزعلنيش وهيا بتعتبره صديق بس مش اكتر وطبعا حلفتلى كتير ان مفيش غير كده ومشكلتى دلوقتى انى بقيت بشك فى اى حد قريب ليها او غريب وبشك فى اى رساله تجيها وبشك فيها لو خرجت مثلا تجيب حاجه للبيت وحتى لو راحت عند اهلها رجاء حلوهالى