اشعر اني منبوذة من الجميع

لا داعي ان يحبك الجميع يكفي ان يحبك الله

عزيزتي:  انا مثلك مريت بهالمرحلة وتألمت وتعلمت ، عزيزتي: اذا انتي ماشيه صح ماعليك في ظنهم في نظراتهم في كلامهم .. خلك واثقة في نفسك واشغلي نفسك دايماً بالخير .. لأن إنشغالك بالشيء السيء يقلل ثقتك في نفسك ويبان عليك وتظلي خايفه طول وقتك وشاكه في نفسك ، الوقت أمانة ومسؤوليه وسيحاسبك  الله عزوجل عليه، احفظي قرآن ، اقرأي كتب ، ساعدي امك في الاعمال المنزلية اكسبي ثقتها اكسبي حبها واحترامها وتقديرها لك.. بإجتهادك بتعاونك بإحساسك بأمك ..لك الاجر من الله اولا ثم راح تمطرك امك بالدعوات ويازينها من دعوات ، اقرأي قد ماتقدري صدقيني راح يبان معك مع الايام وراح يزيدك ثقة وتلاقي مواضيع تتكلمي معهم فيها .. ابهريهم بذكائك بكلماتك بقراءاتك بشغلك بأخلاقك وحده من قرايبي كانت امها طول وقتها تطلبها تشتغل معها تخرج معها للسوق للزيارات ولاتطلب من اخواتها الباقيات والبنت هذي صابرة وراضية صح تعبت لكن كانت تسلي نفسها تقول : رضا امي اهم شي اذا رضيت عني الله بيرضا عليه ودعوة منها تمسح عني كل التعب  .. هذي جنتي .. البنت ذي ربي رزقها من بين اخواتها وحقق لها جميع امنياتها: ربي سخر لها معلمات  ممتازات ونجحت في الثانوي بمعدل عالي ودخلت قسم صعب وتفوقت بامتياز وربي رزقها بوظيفة راتبها عالي وتزوجت من انسان  طيب وطموح و اخلاق ورزقها الله ذرية بإذن الله يكونوا من حفظة كتاب الله .. يابنات فضل الله عظيم بس لازم نصبر ونتعلم ونجاهد انفسنا اذا نبغى البركة والتوفيق والسعادة. وحاولي انك ماتستفزيهم بحركاتك بأخطائك بكلامك : مثلا: كل اللي في البيت يشتغلوا وانت لأ قاعده تتفرجي فيلم او تلعبي او طول وقتك نايمه كذا غلط قومي شاركيهم ساعديهم اثبتي لهم ان قلبك معهم وانك تحبيهم .. الحل مو كلام بس الحب : أفعال .. تعاون  .. انتي لو شفتي صاحبتك تشتغل اكيد بتساعديها طيب ذولي اهلك ساعديهم . 

تقربي من ربج ورح تتيسر امورج ان شاء الله 

السلام عليكم ورحمة الله في البداية عزيزتي لايوجد اخوه يكرهون بعض وحتئ ان وجد لاتوجد ام في الدنيا تطنش اولادها صحيح ليست لدي الخبره لا ارد عليك او انصحك ولكن حاولي بان تراجعي نفسك ان تلتفتي لاخطاك لطريقة معاملتك لاهلك  ..

كان الله معك

كان الله في عونك

لعنمها حياة ماحد يبيني ولاحد يحترمني ولايقدرني الكلل يجرح ويكسر فيني ونا اسكت يااخخي ورب الكعبة تعبت تعبت بممووتت ابي انتحر بس حرامم ابي اهرب لكنهم بيحصلوني عقبها وبيضربوني ويحبسوني  .. اهلي حرموني من حقوقي .. لاجوالل ولاشيء ولاتعامل ولااسلوب يعاملوني كني خدامة .. ابي امموت ياناس ماحدد يحس فيني ماحدد كل ليل ابكي ماحد عبرني ويشوفوني مريضة ومعقده .. حتا صديقاتي اكتشفت ان صحبتهم لي كانت مجامله عشان م يكسروني وجاء يوم وجت اقرب صديقة لي وقالت خلاص م نبيك .. نحسك مريضة ومعقده . ومن يومها ونا عايشة عيشتن قشرى .

وعليكم السلام ورحمة الله وبركاتة ي عيني يمكن انتي تكونين تقولين كلام قبل لاتفكرين بما انك صريحه لان بعض الاحيان في كلام ماينقال حتى لو كان حقيقه لان ممكن يجرح انا ما اقول انك تجرحين بس حاولي تتذكرين كلامك معهم وشوفي اذا كلامك يزعل ولا لا اذا كان كلامك يزعل اعرفي انو بسبب هالشيء اما اذا كان مايزعل يعني الغلط منهم وبالنسبه لموضوع المستشفى يمكن هم يحسبون ان مابك شيء لان تعرفين بعض الاهل يتصرفون كذا يقولو مابكم شيء وانتي تعبانه مزكمه .(لاقدر الله). بس اصبري مهما سوا ذول اهلك لاتهتمين للموضوع صح انه يزعل بس أهم شيء تحافظين على صلواتك وتتقربين من .(ربنا سبحانه وتعالى). من أعمال مثل الذكر وقيام الليل والصدقات والصلاة في اول وقتها وبر الوالدين لعل وعسى  ربي يدخلك الجنة ويرزقكك ويسعدك  ولايهمك حب الناس لك أهم شيء رضا .(ربنا سبحانه وتعالى).✨

نفس مشكلتي محد يحترمني ولا احد يقدرني والكل يتهجم علية وينفر مني حتى اختي اذا جيت افضفض الها تكولي انقلعي انتي وتفاهاتك وحتى بالمدرسة ماعندي صديقات دايم ياذوني ويشوهون سمعتي ويتمسخرون علية واذا اعطيت رايي ما الكا غير التهجم وانتي شعليج ومحد حاجي وياج ولا تتدخلين وحتى بغير اماكن لما اروح واتكلم يسوون نفسهم مايسمعون ويطنشوني وحتى لما اسلم محد يرد و ماعندي بحياتي غير صديقة وحدة و مختفية 24 ساعة تقول كلمتين وتختفي حرفيا وكرهت الناس كلها ودائما ابجي لانو ماعندي احد بحياتي وكلها تكرهني ولا عندي احد افضفضلة او اسولف وياه سوالف عادية حتى الناس الي يدخلون حياتي ياذوني و يطلعو من حياتي ولا كاني كنت بحياتهم ويعني حالتي حالة حتى لما احاول اتقرب للناس يتجاهلوني او اغير من شخصيتي ومثلا الاطف البنات مثلا لا جتي وحدة اعرفها اكوللهة اليوم طالعة حلوة او هيج شي تتجاهلني وحتى الي ميتجاهلوني يردون علية بباستهزاء ومن دون نفس :)

نفس مشكلتي للاسف

حرفياً معناتي

اتحملي لين ربج يفرجها (ان الله مع الصاابرين) وانشاءالله بيي يوم وبتخاذين حقج فيه وتذكري دايما ان الله دايما معاج مهما الكل تركج الله معاج دائما وابدا .