تطلقت وانا عروس واعاني فراغ عاطفي ونفسي

انا وحيدة .....انا مطلقة عندي٢٥سنة و بدون اولاد ، حاسة بوحدة بعد الطلاق زواجى استمر٤شهور وزوجى ظلمنى جدا وضربنى وبهدلنى وذلنى وانا اتصدمت فيه بعد الجواز وطلبت منه يطلقنى وتم الطلاق بعد الضغط عليه من اهلى . انا الان اعيش حالة وحدة غريبة لم احس بها من قبل ، مش عارفة كنت عايشة ازاى قبل ما اتجوزه ، حاسة بفراااااغ عاطفى نفسى اعيش حياه سعيدة مع واحد احبه ويحبنى ونكون اسرة وعائلة جميلة وبس ده كل املى فى الحياه مع العلم انى كنت بحارب فى شهور زواجى علشان احافظ على البيت من الخراب واستحملته كتيبيير وجيت على نفسى كتييير وما كنتش بردله الاساءة ابدا الا بالحسنة عشان يتكسف ويبطل يسئ معاملتى لكنه مافيش فايدة فيه ضرب وخيانة واهانة و تعذيب . مىشكلتى انى بحس بعد الطلاق ان فيا حاجة بتنقصنى عن باقى البنات هما انسات وانا بقيت مدام اقصد مش بنت بنوت فبحس انى اى شاب هيعجب بيا ويفكر فى انه يتزوج بى مش هيرضى علشان انا كنت متزوجة قبل كدة مع انى اتجوزت ٤ شهور بس ومش عندى اولاد، وبحس انه هيفضل عليا اى واحدة انسة متجوزتش قبل كدة ، هل تفكيرى صح والرجال بتفكر كدة ام انا على خطا من تفكيرى.السؤال ده محيرنى جدا ،مع العلم انا جميلة وشهادتى مؤهل عالى وموظفة .هل قدامى فرص للزواج جيدة ام لا؟؟؟؟